Halyk Bank "Astana" halyqaralyq qarjy ortalyǵynyń (AHQO) AIX birjasyna 500 mln dollardyń boryshtyq mindettemelerine ie baǵaly qaǵazardy ornalastyrady. Obligatsiialardy ornalastyrý merzimi 4 shildege belgilengen. Bul - banktiń 1,5 mlrd dollardyń baǵaly qaǵazdar baǵdarlamasy aiasyndaǵy tórtinshi transhy, dep habarlaidy Dalanews.kz.
5 myń dana baǵaly qaǵaz shyǵarylady, árqaisysynyń nominaldy quny – 100 myń dollar. Kýpondyq syiaqy mólsherlemesi 3,5% quraidy, al óteý merzimi – eki jyl, iaǵni 2027 jyldyń shildesine deiin. Kýpon ielerine jarty jylda bir ret tólem jasalady.
Sharttary Halyk Bank-tyń 30 mamyrda ornalastyrylǵan 300 mln jáne 500 mln dollar somasyndaǵy qaǵazdary boiynsha ótken transhtaryna uqsas. Bul zaemnyń maqsattary, bank atap kórsetkendei, qorlandyrý kózderin ártaraptandyrýdy qosa alǵanda, jalpy korporativtik sipatqa ie. 20 mamyrda bank 200 mln dollarǵa 3,5% mólsherlememen eki jyldyq obligatsiialar shyǵardy. Barlyq zaemdar 2030 jyldyń sońyna deiin AIX-te tirkelgen nesielik uiymnyń obligatsiialyq baǵdarlamasynyń bir bóligi bolyp tabylady. Shamasy, jańa nesie onyń sheńberinde sońǵysy bolmaq, óitkeni málimdelgen soma tolyqtai igerilgen.
Aita ketsek, Qazaqstan qor birjasynda (KASE) saýda-sattyq barysynda 2025 jylǵy 1 shildede Halyk Bank aktsiialarynyń 1 danasynyń quny 320,5 teńgege jetti. Osylaisha 2011 jyldyń shildesinen beri alǵash ret baǵa 320 teńgege kóterildi. Sondai-aq, 2024 jyly Halyk Bank basqarma múshelerine 4 mlrd teńge tólegeni belgili. Bul jyl boiyndaǵy barlyq tólemder, sonyń ishinde ol jalaqy, demalys kezeńine bólinetin tólemder men bonýstardy da qamtidy.
Halyk Bank-tyń tabysy 2025 jyldyń I-toqsanynda 275 mlrd teńgeni qurady jáne 2024 jyldyń qańtar-naýryz ailarymen (178 mlrd) salystyrǵanda 54,5%-ǵa ósti.
Halyk Bank maýsym aiynyń basyndaǵy jaǵdai boiynsha aktivter mólsheri boiynsha Qazaqstanda birinshi orynda keledi: 18,6 trln teńge. KASE derekteri boiynsha, ainalymdaǵy baǵaly qaǵazdardyń 69,77%-ynda Halyk Bank-tiń majoritarlyq aktsioneri "Almeks" holdingtik tobynyń úlesi bar. Ol óz kezeginde erli-zaiypty Timýr men Dinara Qulybaevtarǵa tiesili. Halyk Bank aktsiialarynyń taǵy 28,11% nominaldy ustaýshysy -The Bank of New York. Banktiń taǵy 223,3 mln nemese 2,05% baǵaly qaǵazdary KASE-de saýdalanady, sondai-aq ol da minoritariilerge tiesili. Ainalymnan taǵy 2,6 mlrd baǵaly qaǵaz alynyp qoiylǵan.
