Ǵ.Tursynbaev: «Jastardy adaldyqqa tárbieleý paryzymyz»
Is-sharanyń maqsaty – jalpy adamgershilik jáne ulttyq qundylyqtar negizinde óskeleń urpaqtyń boiyna sybailas jemqorlyqqa qarsy mádenietti qalyptastyrý jáne oǵan qarsy turýǵa daiyn tulǵalardy tárbieleý.
Jiynda sóz sóilegen departament basshysy Ǵ.Tursynbaev:
– Eldiń erteńi bolashaq urpaǵymyzdy kishkentaiynan Otan súigishtikke, bilim men eńbekke umtylýǵa, kóregendilik pen adaldyqqa tárbieleý paryzymyz. Bul sezimder bizdiń halqymyzda ejelden bar Uly qasiet. Sondyqtan árbir ata-ana, árbir ustaz balalar úshin laiyqty úlgi bolýǵa, naǵyz qasterli qasietterdi tańdaýǵa kómektesýi qajet, – ekenin atap ótti.
Kezdesýde sóz sóilegen aýdan ákimi N.Turashbekov jas býyndy sybailastyqtan aýlaq bolýǵa, eline, ata-anaǵa, dosqa adal bolýǵa shaqyrdy. Sondai-aq, «Adal urpaq» erikti mektep klýby múshelerine ar-uiat, abyroi, jaýapkershilik, satylmaýshylyq, ádilettilik, adaldyq siiaqty adamgershilik qasietterin qalyptastyrýda úlkenderden úlgi alýǵa shaqyrdy.
Jiyn barysynda mekteptegi óz-ózine qyzmet kórsetý buryshynyń jumysy tanystyryldy, sondai-aq, «Adal urpaq» eriktiler klýbyna qabyldanýshylarǵa arnaiy galstýktar tabystalyp, sýret kórmesi men kontserttik is-shara uiymdastyryldy.
Aita ketsek, búgingi kúni oblysymyzdyń jalpy bilim beretin mektepterinde sybailas jemqorlyqqa tózbeýshilikti kórsetetin qundylyqtar júiesin saqtaýdaǵy tárbie jumystaryn uiymdastyrýǵa járdemdesetin 904 «Adal Urpaq» erikti mektep klýbtary qurylyp, onda 300 myńnan asa klýb músheleri bar.
«Dalanews» aqparat
