ءىس-شارانىڭ ماقساتى – جالپى ادامگەرشىلىك جانە ۇلتتىق قۇندىلىقتار نەگىزىندە وسكەلەڭ ۇرپاقتىڭ بويىنا سىبايلاس جەمقورلىققا قارسى مادەنيەتتى قالىپتاستىرۋ جانە وعان قارسى تۇرۋعا دايىن تۇلعالاردى تاربيەلەۋ.
جيىندا ءسوز سويلەگەن دەپارتامەنت باسشىسى ع.تۇرسىنبايەۆ:
– ەلدىڭ ەرتەڭى بولاشاق ۇرپاعىمىزدى كىشكەنتايىنان وتان سۇيگىشتىككە، ءبىلىم مەن ەڭبەككە ۇمتىلۋعا، كورەگەندىلىك پەن ادالدىققا تاربيەلەۋ پارىزىمىز. بۇل سەزىمدەر ءبىزدىڭ حالقىمىزدا ەجەلدەن بار ۇلى قاسيەت. سوندىقتان ءاربىر اتا-انا، ءاربىر ۇستاز بالالار ءۇشىن لايىقتى ۇلگى بولۋعا، ناعىز قاستەرلى قاسيەتتەردى تاڭداۋعا كومەكتەسۋى قاجەت، – ەكەنىن اتاپ ءوتتى.
كەزدەسۋدە ءسوز سويلەگەن اۋدان اكىمى ن.تۇراشبەكوۆ جاس بۋىندى سىبايلاستىقتان اۋلاق بولۋعا، ەلىنە، اتا-اناعا، دوسقا ادال بولۋعا شاقىردى. سونداي-اق، «ادال ۇرپاق» ەرىكتى مەكتەپ كلۋبى مۇشەلەرىنە ار-ۇيات، ابىروي، جاۋاپكەرشىلىك، ساتىلماۋشىلىق، ادىلەتتىلىك، ادالدىق سياقتى ادامگەرشىلىك قاسيەتتەرىن قالىپتاستىرۋدا ۇلكەندەردەن ۇلگى الۋعا شاقىردى.
جيىن بارىسىندا مەكتەپتەگى وز-وزىنە قىزمەت كورسەتۋ بۇرىشىنىڭ جۇمىسى تانىستىرىلدى، سونداي-اق، «ادال ۇرپاق» ەرىكتىلەر كلۋبىنا قابىلدانۋشىلارعا ارنايى گالستۋكتار تابىستالىپ، سۋرەت كورمەسى مەن كونسەرتتىك ءىس-شارا ۇيىمداستىرىلدى.
ايتا كەتسەك، بۇگىنگى كۇنى وبلىسىمىزدىڭ جالپى ءبىلىم بەرەتىن مەكتەپتەرىندە سىبايلاس جەمقورلىققا توزبەۋشىلىكتى كورسەتەتىن قۇندىلىقتار جۇيەسىن ساقتاۋداعى تاربيە جۇمىستارىن ۇيىمداستىرۋعا جاردەمدەسەتىن 904 «ادال ۇرپاق» ەرىكتى مەكتەپ كلۋبتارى قۇرىلىپ، وندا 300 مىڭنان اسا كلۋب مۇشەلەرى بار.
«Dalanews» اقپارات
