Oqý-aǵartý ministrligi jáne Qazaqstannyń Grýziiadaǵy elshiligi 7 jastaǵy qyz balany qaitardy, dep habarlaidy Dalanews.kz.
Vedomstvo aqparatyna súiensek, balany elge qaitarý sharalary alty ai boiy júrgizilgen.
"Osy kezeńde tiisti memlekettik organdar arasynda kelissózder ótip, grýzin tarapynyń quzyrly mekemelerimen bailanys ornatyldy. Qajet qujattar rásimdelip, barlyq rásim zańnamaǵa sáikes júzege asyryldy. Qazir qyz bala qaýipsiz jaǵdaida, oǵan psihologiialyq qoldaý kórsetilip jatyr. Sondai-aq, balanyń múddesi eskerilip, zańnama talaptaryna sáikes ony otbasyna ornalastyrý máselesi qarastyrylady", - dedi ministrlik ókilderi.
Balanyń quqyǵyn, qaýipsizdigin qorǵaý maqsatynda onyń jeke deregi, oqiǵaǵa qatysty ózge de málimet jariia etilmedi.
