وقۋ-اعارتۋ مينيسترلىگى جانە قازاقستاننىڭ گرۋزياداعى ەلشىلىگى 7 جاستاعى قىز بالانى قايتاردى، دەپ حابارلايدى Dalanews.kz.
ۆەدومستۆو اقپاراتىنا سۇيەنسەك، بالانى ەلگە قايتارۋ شارالارى التى اي بويى جۇرگىزىلگەن.
"وسى كەزەڭدە ءتيىستى مەملەكەتتىك ورگاندار اراسىندا كەلىسسوزدەر ءوتىپ، گرۋزين تاراپىنىڭ قۇزىرلى مەكەمەلەرىمەن بايلانىس ورناتىلدى. قاجەت قۇجاتتار راسىمدەلىپ، بارلىق ءراسىم زاڭناماعا سايكەس جۇزەگە اسىرىلدى. ءقازىر قىز بالا ءقاۋىپسىز جاعدايدا، وعان پسيحولوگيالىق قولداۋ كورسەتىلىپ جاتىر. سونداي-اق، بالانىڭ مۇددەسى ەسكەرىلىپ، زاڭناما تالاپتارىنا سايكەس ونى وتباسىنا ورنالاستىرۋ ماسەلەسى قاراستىرىلادى"، - دەدى مينيسترلىك وكىلدەرى.
بالانىڭ قۇقىعىن، قاۋىپسىزدىگىن قورعاۋ ماقساتىندا ونىڭ جەكە دەرەگى، وقيعاعا قاتىستى وزگە دە مالىمەت جاريا ەتىلمەدى.
