Aıtýly sharada Qazaqstannyń Grekıadaǵy Elshisi Tımýr Sultanǵojın QR Mádenıet jáne sport mınıstrliginiń qoldaýymen "ÁziretSultan" memlekettiktarıhı-mádenıqoryq-mýzeıiniń Qoja Ahmet Iasaýıdiń muralary jáne Túrkistan óńirindegi kıeli-tarıhı jerleri jaıly kórmesiniń lentasyn qıdy.
Týrısik áleýeti damyǵan alpaýyt elderdiń kóshbasshy týrısik ortalyqtary qatysatyn sharanyń basty maqsattarynyń biri – qazaqstandyq týrısik nysandar men tarıhı oryndardyń mańyzyn tanystyrý, tájirıbe almasýǵa baǵyttalǵan.
Kórmege qoryq-mýzeı qorynan 1871-1872 jyldary túsirilgen A.Kýnnyń fotoalbomynan týyndylar jáne keseneniń ár jyldardaǵy beıneleri men Túrkistannyń kórinisteri, taıqazan, shyraǵdan sýretteri, Qoja Ahmet Iasaýı men taıqazannyń maketteri kópshilik nazaryna usynylady. Sondaı-aq, Iasaýı kesenesi men Qylýet jerasty meshiti, Shyǵys monshasy, Gaýharana, Ýkashaata kesenesi men qudyǵy, Saýran qalashyǵysyndy tarıhı oryndardyń 3D týr nusqasy Elbasymyzdyń sıfrlandyrý júıesi negizinde daıyndalyp, halyqaralyq kórmede alǵash ret kórsetilip, kózildirik arqyly tanystyryldy.
Sonymen qatar, qoryq-mýzeıdiń tarıhı oryndary men mýzeı haqynda úshtilde jaryq kórgen býklet kitapshalary men jádigerlerdiń katalog kitaptary kórme ekspozısıasynan orynaldy.
Sharaǵa qatysýshy qazaqstandyq delegattar ulttyq kıimder kıinip, qazaqtyń tól óneri kúı, dástúrli ánderdi oryndap, ulttyq taǵamdar men "Asyq atý", "Arqantartý" syndy oıyndardy da nasıhattaýda.
Aıta ketsek, buǵan deıin "Áziret Sultan" memlekettiktarıhı-mádenıqoryq-mýzeıi TÚRKSOI halyqaralyq uıymynyń qoldaýymen Túrkıa Respýblıkasynda da kórmeuıymdastyryp, birqatar iri qalalaryna Iasaýı muralaryn nasıhattaǵan bolatyn. Eýropalyq mádenıettiń damýyna úlken áser ete otyryp týrızm salasydamyǵan, ásem landshafty araldarǵa baı Gresıa jerine AQSH, Ulybrıtanıa, Germanıa jáne Fransıa azamattary kóptep aǵylyp, qyzyqty ári tarıhı oryndarymen tanysýǵa beıim. Osy oraıda, Elbasy Nursultan Ábishuly Nazarbaevtyń "Bolashaqqa baǵdar: rýhanı jańǵyrý" baǵdarlamalyq maqalasyn keńinen nasıhattaý jáne "Áziret Sultan" memlekettik tarıhı-mádenı qoryq-mýzeıiniń 40 jyldyǵy, Túrkistan qalasynyń oblys ortalyǵy atanýyna baılanysty qoryq-mýzeı basshysy Nurbolat Ahmetjanov bastaǵan delegattar Gresıaǵa jasalǵan sapar barysynda birqatar týrısik kelissózder júrgizip, mádenı-tarıhı muralardy dáripteıdi.
