Qazaqstan Ulttyq Olimpiadalyq komitetiniń prezidenti Gennadii Golovkin Paragvaida ótken Panam Sports Bas assambleiasyna qatysty, dep habarlaidy Dalanews.kz.
Halyqaralyq Olimpiada komitetimen kezdesýi
Shara barysynda Golovkin men Halyqaralyq Olimpiada komitetiniń prezidenti Tomas Bahtyń kezdesýi ótti. Bah myrza Golovkinniń álemdik boksqa qosqan eleýli úlesin joǵary baǵalap, ony World Boxing Olimpiadalyq komissiiasynyń tóraǵasy bolyp sailanýymen quttyqtady. Sonymen qatar aldaǵy yntymaqtastyqtyń nátijeli bolatynyna senim bildirdi.
Boks baǵdarlamasynyń mańyzy
Gennadii Golovkin HOK prezidentine komissiianyń jumys josparyn tanystyryp, aldaǵy mindetterdi atap ótti. Eki tarap bokstyń Olimpiada baǵdarlamasynda qalýy, sonyń ishinde 2028 jyly Los-Andjeleste ótetin Olimpiada oiyndaryna enýiniń mańyzdylyǵyn erekshe atap ótti.
Neven Ilichpen kezdesý
Qazaqstan UOK prezidenti sondai-aq Panam Sports-tyń jańa prezidenti jáne Chili UOK basshysy Neven Ilichpen kezdesti. Golovkin Ilichke Panam Sports Bas assambleiasy aiasynda Olimpiadalyq komissiianyń jumysyna usynǵan alań úshin alǵys aitty. Ilich óz kezeginde qoldaý kórsetýge jáne birlese jumys isteýge daiyn ekenin jetkizdi.
World Boxing Olimpiadalyq komissiiasynyń kezdesýleri
Aita keteiik, Panam Sports Bas assambleiasy aiasynda World Boxing Olimpiadalyq komissiiasy Ońtústik jáne Soltústik Amerika Ulttyq Olimpiadalyq komitetterimen birqatar kezdesýler ótkizýdi josparlap otyr.
