Mádeniet jáne sport ministri Arystanbek Muhamediuly Vesti.kz tilshisine bergen suhbatynda biyl jazda Astanada «EXPO-2017» kórmesiniń aiasynda ótetin boks keshine daiyndyqtyń qalai júrip jatqanyn aityp berdi.
«Qazir biz kelissóz júrgizip jatyrmyz. Gennadii Golovkinmen EXPO ókilderi, al Qanat Islammen mádeniet jáne sport ministrliginiń ókilderi kelisip jatyr. Biz úzdik boksshylarymyzdy jinaýǵa tyrysamyz», - dedi A.Muhamediuly.
Sonymen qatar, onyń aitýynsha, ministrlik ókilderi Qanat Islamnyń promoýterimen kezdesipti.
«Qazir ol boksshynyń kimmen judyryqtasatynyn anyqtap jatyr jáne álemdik federatsiiamen kelissóz júrgizip jatyr. Málimet bolsa, dereý habarlaimyn», - deidi ministr.
Sondai-aq, ministr boks keshinde qansha jekpe-jek ótetinin aitty.
«Bul ispen promoýterler ainalysady. Biraq biz eń myqty qazaqstandyqtardy jinaýǵa tyrysamyz. Boksshylardyń ózi daiyn, biraq olarǵa laiyqty qarsylas tańdaý qiyn. Sebebi jekpe-jekter óte qyzyq bolady. Aita keteiik, bizdiń boksshylar gonorarsyz judyryqtasýǵa daiyn. Boks keshiniń qaida ótetinin áli qarastyramyz. «Astana-Arena» bar, velotrek bar, onda 10 myń adamǵa oryn bar. Osy eki nysannyń birinde ótedi», - dedi ministr.
Eske salaiyq, osyǵan deiin 10 maýsymda EXPO-2017 aiasynda WBA (Super), IBO, WBC jáne IBF tujyrymdary boiynsha álem chempiony qazaqstandyq boksshy Gennadii Golovkin (36-0, 33 KO) men WBO boiynsha belbeý iegeri, aǵylshyn boksshysy Billi Djo Sonders (24-0, 12 KO) kezdesedi degen aqparat taraǵan edi. EXPO baspasóz qyzmetindegiler kelissóz júrgizilip jatqanyn málimdegen.
Atalǵan jańalyq VK-daǵy Atamnyń basy-ai tobynda talqylandy.
Derekkóz: Baq.kz
