Ulttyq Olimpiada komiteti UOK bas hatshysy Janar Óteshovanyń qyzmetinen ketýine bailanysty pikir bildirdi, dep habarlaidy Dalanews.kz.
"Senimim joǵaldy", - dep túsindirdi Ulttyq Olimpiada komiteti.
Budan bólek Bas Assambleia músheleriniń qaraýyna bas hatshy retinde UOK atqarý komitetiniń quramynan Óteshevany alyp tastaý týraly másele de qaralatyn bolady.
Aita keteiik, Janar Óteshova bul qyzmetti osy jyldyń 28 aqpanynan bastap atqardy.
Eske salaiyq, 2024 jylǵy Parij olimpiadasy aiaqtalǵannan keiin sportqa jaýapty memlekettik mekemelerde tiisti aýdit júrgiziletini týraly aitylǵan edi. Sport federatsiialarynyń, Ulttyq olimpiada komiteti basshylyǵy jáne Týrizm jáne sport ministri Ermek Marjyqbaevtyń qyzmetine baǵa berilmek.
"Shynyn aitqanda "ana jaq" asa riza emes. Bul ásirese boks pen tenniske qatysty. Onymen birge fokýsty tehnologiialyq sportqa: sadaq atý, batýt, semserlesý, badminton syndy baǵyttarǵa burý da oilastyrylýda", - deidi DALA INSIDE derekkózi.
Parij olimpiadasy biraz sheshilmegen máseleni ashyp berdi. Qazaqstan men IBA arasyndaǵy ózara túsinispeýshiliktiń bar ekeni, sportshylarmen psihologiialyq jumystyń júrgizilmegeni baiqalady. Bárin tek aqsha emes, jeke motivatsiianyń anyqtaityny aiqyn bilindi. Tokio olimpiadasynan eshqandai sabaq alynbaǵan.
