ۇلتتىق وليمپيادا كوميتەتى ۇوك باس حاتشىسى جانار وتەشوۆانىڭ قىزمەتىنەن كەتۋىنە بايلانىستى پىكىر ءبىلدىردى، دەپ حابارلايدى Dalanews.kz.
"سەنىمىم جوعالدى"، - دەپ ءتۇسىندىردى ۇلتتىق وليمپيادا كوميتەتى.
بۇدان بولەك باس اسسامبلەيا مۇشەلەرىنىڭ قاراۋىنا باس حاتشى رەتىندە ۇوك اتقارۋ كوميتەتىنىڭ قۇرامىنان وتەشيەۆانى الىپ تاستاۋ تۋرالى ماسەلە دە قارالاتىن بولادى.
ايتا كەتەيىك، جانار وتەشوۆا بۇل قىزمەتتى وسى جىلدىڭ 28 اقپانىنان باستاپ اتقاردى.
ەسكە سالايىق، 2024 جىلعى پاريج وليمپياداسى اياقتالعاننان كەيىن سپورتقا جاۋاپتى مەملەكەتتىك مەكەمەلەردە ءتيىستى اۋديت جۇرگىزىلەتىنى تۋرالى ايتىلعان ەدى. سپورت فەدەراسيالارىنىڭ، ۇلتتىق وليمپيادا كوميتەتى باسشىلىعى جانە تۋريزم جانە سپورت ءمينيسترى ەرمەك مارجىقبايەۆتىڭ قىزمەتىنە باعا بەرىلمەك.
"شىنىن ايتقاندا "انا جاق" اسا ريزا ەمەس. بۇل اسىرەسە بوكس پەن تەننيسكە قاتىستى. ونىمەن بىرگە فوكۋستى تەحنولوگيالىق سپورتقا: ساداق اتۋ، باتۋت، سەمسەرلەسۋ، بادمينتون سىندى باعىتتارعا بۇرۋ دا ويلاستىرىلۋدا"، - دەيدى DALA INSIDE دەرەككوزى.
پاريج وليمپياداسى ءبىراز شەشىلمەگەن ماسەلەنى اشىپ بەردى. قازاقستان مەن IBA اراسىنداعى ءوزارا تۇسىنىسپەۋشىلىكتىڭ بار ەكەنى، سپورتشىلارمەن پسيحولوگيالىق جۇمىستىڭ جۇرگىزىلمەگەنى بايقالادى. ءبارىن تەك اقشا ەمەس، جەكە موتيۆاسيانىڭ انىقتايتىنى ايقىن ءبىلىندى. توكيو وليمپياداسىنان ەشقانداي ساباق الىنباعان.
