Ataqty gollivýd akteri Mads Mikkelsen Astanadaǵy ComicCon festivaliniń arnaiy qonaǵy boldy. «Gannibal» jáne «Doktor Strendj» juldyzy Qazaqstannyń astanasyna tánti bolyp, aldaǵy Dúniejúzilik kóshpendiler oiyndarynyń bir bólshegi bolǵysy keletinin aitty, – dep habarlaidy Dalanews.kz
Mads Mikkelsen Astanany jaqsy bilmese de, oǵan qala qatty unaǵanyn aitty.
– Men Astanany jaqsy bilemin dep aita almaimyn. Óitkeni munda nebári 30 saǵat qana boldym. Biraq qala óte ádemi dep senimdi túrde aita alamyn. Taǵamdaryńyz erekshe unady, óte dámdi eken. Men kóp et jedim, ony qansha jegenimdi de aita almaimyn, – dedi ataqty akter.
– Biz Daniiadan bolǵandyqtan, Astanany velosport komandasy arqyly bilemiz. Biz Týr de Fransqa barǵan kezde sizderdiń velo komandalaryńyz tanymal boldy. Olardyń velosiped jarysyn kórý keremet bolar edi.
Men kóshpendiler oiyndaryn kórip qana qoiǵym kelmeidi. Olardyń bir bólshegi bolyp, qus ustap, atqa mingim keledi, – dedi Mads Mikkelsen myrza.
Mads Mikkelsen – Gollivýd akteri, ol «Gannibal» jáne «Doktor Strendj» siiaqty filmderdegi rólderi arqyly búkil álemge tanymal bolǵan.
