Goldman Sachs Group qazan aiyndaǵy qorytyndydan keiin Qazaqstan boiynsha infliatsiianyń boljamdy jyldyq deńgeiin qaita qarastyrýǵa májbúr bolǵandaryn málimdedi, dep habarlaidy Dalanews.kz.
"Qazan aiynda jyldyq infliatsiia kórsetkishi 8,3%-dan 8,5%-ǵa deiin ósti, osylaisha ol buǵan deiingi boljamymyzdaǵy kólemnen (8,2% jáne konsensýs boljamy - 8,1%) asyp tústi", dep habarlaidy Goldman Sachs.
Mundai ósimge, sheteldik qarjy institýty, negizinen, qyzmet kórsetý sektory túrtki boldy, al azyq-túlikke jatpaityn taýarlar azdap áser etti dep sanaidy.
"Aldyn ala jariialanǵan derekter bolǵandyqtan, bul rette egjei-tegjeili taldaý áli usynylmaǵan, biraq biz qyzmet kórsetý salasyndaǵy infliatsiia ósimi (13,6% - dan 14,4% - ǵa deiin) retteletin jáne naryqtyq tarifterge bailanysty qalyptasty dep sanaimyz. Azyq-túlikke jatpaityn taýarlar boiynsha da infliatsiia qazan aiynda ekpin ala tústi, bul osy aidaǵy ulttyq valiýtanyń álsireýimen ishinara bailanysty. Azyq-túliktiń jyldyq infliatsiiasy tómendedi, biraq onyń dinamikasy Qazaqstandaǵy egin jinaý naýqany aiasyndaǵy álemdik baǵanyń ósýine bailanysty qarqyn aldy", dep boljaidy Goldman Sachs.
Álemge áigili investitsiialyq bank Qazaqstanda infliatsiialyq qysym qarasha aiynda da joǵary bolatynyn, bul elektr energiiasy tarifteriniń kezekti ret kóterilýine bailanysty oryn alatynyn bajailaidy.
"Kútpegen ósimdi eskere otyryp, biz 2024 jyldyń sońyndaǵy jyldyq infliatsiia kólemi boiynsha boljamdy 7,6% dan 7,9%-ǵa deiin kóterip, qaita qarastyrdyq", - deidi Goldman Sachs.
Qazan aiynda bazalyq syiaqy mólsherlemesin sol kúiinde qaldyrý týraly sheshiminen keiin Ulttyq bank ony odan ári tómendetý úshin bazalyq infliatsiianyń turaqty túrde tómendegeni jáne biýdjet tapshylyǵyn qarjylandyrý boiynsha "tiimdi jáne júieli sheshim" qajet ekenin aitqan bolatyn.
"Atalǵan eki tarmaq boiynsha da ilgerileýdiń baiqalmaýyna bailanysty, biz QR Ulttyq bank bazalyq syiaqy mólsherlemesin jyl sońyna deiin ǵana sol kúiinde saqtaýǵa tyrysady dep boljaimyz", dep túiindeidi óz taldaýlaryn Goldman Sachs.
Aldynda Ulttyq statistika biýrosy qazan aiyndaǵy infliatsiia kórsetkishin jariialaǵan bolatyn. Oǵan sáikes, jyldyq infliatsiia kórsetkishi údep, qazan aiynyń qorytyndysy boiynsha 8,5%-dy (qyrkúiekte – 8,3%) qurady, al ai boiynda 0,9% qamtydy (ótken aida – 0,4%). Jyldyq infliatsiia kórsetkishine ótken aimen salystyrǵanda turǵyn úi qyzmetteri (2,1%), azyq-túlik jáne alkogoldi ónimder (1,9%), kiim-keshek pen aiaq-kiimderdiń baǵasynyń (1%) ósimi aitarlyqtai yqpal etken.
