Jalpy bilim beretin pánder boiynsha respýblikalyq ǵylymi jobalar konkýrsy Almaty qalasyndaǵy Ál-Farabi atyndaǵy Qazaq Ulttyq ýniversitetinde ótken. Myńǵa jýyq oqýshy qatysqan respýblikalyq saiystyń irikteý kezeńinen 625 joba ótti. Eń úzdik dep tanylǵan ǵylymi jumystar aqtyq synǵa joldama aldy.
Jas daryn ieleriniń bilimi tarazyǵa salynǵan saiysta Túrkistan oblysynyń oqýshylary 3 altyn, 7 kúmis, 12 qola medaldaryn jeńip aldy. Ǵylymi jobanyń qorytyndysy boiynsha Jetisai aýdanyndaǵy «Daryn» mamandandyrylǵan mektep-internatynyń 11 synyp oqýshylary Bolat Mahanbetov pen Daniial Tursymurat jáne Saryaǵash aýdany №4 mamandandyrylǵan mektep-internatynyń 10-shy synyp oqýshysy Baǵila Anarbek Altyn medal iegerleri atandy.
Al, kúmis medaldaryn Kentaý qalasyndaǵy mamandandyrylǵan "Daryn" mektep-internatynyń shákirtteri jeńip aldy. Dál osy bilim uiasy men Kentaý qalasy, «Shornaq» jalpy orta mektebiniń jáne Qazyǵurt aýdany, №5 J.Kapparov atyndaǵy mamandandyrylǵan fizika-matematikalyq mektep-internaty jáne Túrkistan qalasy, N.Ońdasynov atyndaǵy Túrkistan mamandandyrylǵan mektep-internatynyń shákirtteri qola júlde iemdendi.
Mektep oqýshylaryna arnalǵan saiys osymen 21-ret uiymdastyrylyp otyr. «Daryn» respýblikalyq ǵylymi-tájiribelik ortalyǵy uiymdastyrǵan jas ǵalymdar básekesi biyl erekshe formatta ótken. Ashyqtyq pen aiqyndylyqty qamtamasyz etý maqsatynda baiqaý onlain-rejimde ótti.
Túrkistan oblysy ákiminiń baspasóz qyzmeti
