Qazaqstanda kómirsýtek pen ýran óndiretin kompaniialardyń ǵylymi zertteýlerge arnalǵan aýdarymdary endi tikelei respýblikalyq biýdjetke baǵyttalatyn boldy, dep habarlaidy Dalanews.kz.
Bul ózgeris Memleket basshysynyń aýdarymdardy ortalyqtandyrý jónindegi tapsyrmasyn oryndaý jáne Biýdjet kodeksiniń talaptaryna sáikestendirý maqsatynda engizildi. Buǵan deiin jer qoinaýyn paidalanýshylar ǵylymdy ártúrli tetikter arqyly qarjylandyryp kelgen.
Endi kómirsýtek pen ýran óndiretin kompaniialar ǵylymi-zertteý jáne tájiribelik-konstrýktorlyq jumystarǵa arnalǵan qarajatty arnaiy biýdjet kody arqyly tikelei memlekettik qazynaǵa aýdarady. Osy maqsatta 401103 kody bekitildi.
Tiisti túzetýler 2025 jylǵy 17 jeltoqsanda Energetika ministrligi men Ǵylym jáne joǵary bilim ministrliginiń birlesken buiryǵymen qabyldandy.
Bilik ókilderiniń aitýynsha, bul qadam ǵylymdy qarjylandyrý júiesin birizdendirýge, ashyqtyqty arttyrýǵa jáne bólingen qarajattyń maqsatty jumsalýyn kúsheitýge baǵyttalǵan.
