«Ǵylym» qorynyń basshysy 5 myń dollar para aldy dep kúdiktelýde
Buǵan deiin Bilim jáne ǵylym vitse-ministri Elmira Sýhanberdieva ustalsa, osydan birshama ýaqyt buryn Bilim jáne ǵylym ministriniń kómekshisi 11 mln. teńge aldy degen kúdikke ilingen bolatyn. Al endi ǵylymdy damytady degen «Ǵylym qorynyń» basshysy ustaldy.
Kúni keshe ǵana Nur-Sultan qalasynda Memlekettik qyzmet isteri jáne sybailas jemqorlyqqa qarsy is-qimyl agenttiginiń ókili Arman Berdalin «Ǵylym qorynyń» basshysy jemqorlyq isine shatylyp, kúdikke ilingenin alǵa tartty.
– «Ǵylym qory» AQ-nyń Basqarma tóraǵasy ǵylymi jobalardy qarjylandyrý úshin elimizdegi joǵary oqý ornynyń rektorynan 5 myń dollar kóleminde para alǵany jaiynda kúdiktelýde, – dedi agenttik qyzmetkeri.
Agenttiktiń taratqan málimetine súiensek, «Ǵylym qorynyń» basshysy óziniń kinásin tolyq moiyndamaǵandyqtan, qazirgi tańda tergeý jumystary júrip jatqany belgili boldy.
Osylaisha Erlan Saǵadiev ministr bolǵan tusta taǵaiyndalǵan kadrlardyń bylyqtary shetinen ashylyp jatyr. Osyndaida Saǵadiev jaýapty qyzmetterdi qandai adamdarǵa senip tapsyrǵanyn bildi me eken degen saýal týyndaityny anyq.
