Senatta depýtattyq saýal joldaǵan senator Ainur Arǵynbekova Qazaqstanda ǵylym nátijelerin naqty sektorǵa engizý máselesin kóterdi, dep habarlaidy Dala News.
Saýal Premer-ministrge joldanyp, onda ǵylymi ázirlemelerdiń el ekonomikasyna naqty paida ákelýi tiis ekeni atap ótildi. Senator Memleket basshysynyń QazUÝ-daǵy ǵylymi qaýymdastyqpen kezdesýinde aitqan tapsyrmasyn eske salyp, ǵylymdy qoldaýdan góri ony tájiribege engizý tetikterin qalyptastyrý qajettigin aitty.
Arǵynbekovanyń málimetinshe, damyǵan elderde ǵylym, tehnologiia jáne innovatsiialardyń JIÓ ósimine qosatyn úlesi 60–80% deiin jetedi. Bul kórsetkish tiimdi tetikterdiń arqasynda ǵylymi nátijelerdiń óndiris pen áleýmettik salaǵa jyldam engizilýimen bailanysty. Al Qazaqstanda bul áleýet tolyq paidalanylmai otyr.
Senatordyń aitýynsha, másele ǵylymi ideialardyń jetispeýshiliginde emes, olardy naqty nátijege jetkizetin júieniń álsizdiginde. Osyǵan bailanysty ol transliatsiialyq ǵylym modeline kóshý qajettigin kóterdi. Bul model fýndamentaldy zertteýden bastap, ony óndiris pen tájiribege engizýge deiingi tolyq tsikldi qamtidy.
Arǵynbekova mysal retinde iadrolyq meditsinany atady. Onyń pikirinshe, bul sala ǵylym, joǵary tehnologiialyq óndiris jáne klinikalyq tájiribeni biriktiretin tiimdi baǵyt bolyp sanalady.
Sondai-aq senator Almatydaǵy Alataý Siti jobasyn ǵylym men tehnologiialardy biriktiretin negizgi alań retinde qarastyrýdy usyndy. Bul bastama tehnologiialyq táýelsizdikti arttyryp, ekonomikanyń jańa ósý núktelerin qalyptastyrýy múmkin.
Budan bólek, depýtat ǵylymi saladaǵy genderlik teńsizdik máselesine de toqtaldy. Onyń aitýynsha, búginde áielder ǵalymdardyń jartysynan kóbin quraǵanymen, joǵary tehnologiialyq salalardaǵy úlesi áli de tómen.
Senator úkimetke birqatar usynys engizdi. Atap aitqanda, ǵylymdy óndiris jáne tájiribemen biriktiretin júieli tásildi qalyptastyrý, Alataý Siti bazasynda ǵylymi-óndiristik ekojúieler qurý jáne áiel ǵalymdardy qoldaýǵa arnalǵan arnaiy baǵdarlamalardy keńeitý usynyldy.
Onyń pikirinshe, bul sharalar ǵylym nátijelerin tiimdi engizip, el ekonomikasynyń damýyna serpin beredi.
