Germaniianyń federaldy prokýratýrasy lańkestik uiymǵa qatysy bar degen kúdikke ilingen Ortalyq Aziiadan shyqqan jeti adamdy ustady, dep habarlaidy Dalanews.kz.
Olarǵa "terroristik uiymdar qurdy", "radikaldy "Islam memleketi" (IM) qarýly tobyn qoldady" degen aiyp taǵyldy. Bul jóninde mekeme saitynda aitylǵan.
Aqparatqa súiensek, olar Germaniianyń batysyndaǵy Soltústik Rein-Vestfaliiada ótken jyly jazda ustalǵan. Olardyń ekeýi Túrkimenstan jáne Qyrǵyzstannan kelgen, beseýi – Tájikstan azamaty. Prokýratýra ókilderiniń aitýynsha, "olar bir-birin burynnan biledi jáne radikaldy dini kózqaras ustanady".
Qazirgi ýaqytta usynylǵan aiyptaý qorytyndysynda kelesi faktiler kórsetilgen:
Mekeme málimetinshe, jeti aiyptalýshy Germaniiaǵa Ýkrainadan 2022 jyldyń kókteminde kelgen. Elge kirgennen keiin olar Gollandiiada bólek sottalǵan kúdiktimen birigip, Germaniiada jáne Batys Eýropanyń basqa jerlerinde IM rýhynda atyshýly shabýyldar jasaý maqsatynda lańkestik uiym qurady. Bul top shetelde júrgen IM tobynyń Aýǵanstandaǵy "Horasan ýálaiaty" tobymen bailanysta bolǵan. Josparlaryn júzege asyrý úshin aiyptalýshylar ártúrli quramda únemi kezdesip, Germaniiadaǵy shabýyl nysandaryn qarap, múmkin bolatyn qylmys oryndaryn anyqtaǵan. Olar sondai-aq qarý-jaraq satyp alýǵa jáne shabýyldarǵa donor tabýǵa tyrysqan. Quqyq qorǵaý organdary aralasqan kezde naqty shabýyl jospary bolǵan joq.
Olar shabýyl jasaimyz degen ǵimarattardy jiti zerttep kelgen. Ustalǵandardyń IM tobynyń Aýǵanstandaǵy "Horasan ýálaiaty" tobymen bailanysta bolǵany aitylady.
Budan bólek aiyptalýshylar 2022 jyldyń sáýir aiynda jáne 2023 jyldyń mamyr aiynda IM úshin birneshe myńdaǵan eýro jinaǵan dep aitylady.
