Eki jyl buryn Germaniiada qazaqstandyq burynǵy sýdia Aigúl Sailybaevanyń joǵalyp ketýi halyqaralyq rezonans týdyrǵan edi. Jeti ailyq júkti bolǵan áiel keiin qaza tapqany anyqtaldy. Qazir onyń týystary men advokattary istiń jańa mán-jailaryn jariialap otyr, dep habarlaidy dalanews.kz.
Jelide jariialanǵan derekti reportajda marqumnyń jaqyndary tergeý barysy men ózderin alańdatqan jaittar týraly aitty.
Týystarynyń málimetinshe, 40 jastaǵy Aigúldiń denesinen kóptegen jaraqat izderi tabylǵan. Tergeý materialdarynda áieldiń ómiriniń sońǵy sátterinde kúsh qoldaný belgileri bolǵany aitylǵan. Sarapshylar onyń qarsylyq kórsetýge tyrysqan bolýy múmkin degen boljam keltiredi.
Sondai-aq qylmysty jasyrý áreketteri bolǵany týraly nusqalar qarastyrylyp jatyr. Týystarynyń sózinshe, áieldiń denesin taný protsesi de óte aýyr bolǵan.
Marqumnyń kúieýi Aleksandr Dontsov pen enesi Natalia is boiynsha negizgi kúdiktiler qatarynda atalady. Qaiǵyly oqiǵadan keiin olar Reseige ketkeni habarlandy. Sonymen birge olar Aigúldiń kishkentai qyzy Jaklindi ózderimen birge alyp ketken.
Tergeýdegi mańyzdy dálelderdiń biri retinde quqyq qorǵaý organdary úiden tabylǵan biologiialyq izder men basqa da aiǵaqtardy qarastyryp jatyr. Reportaj avtorlarynyń aitýynsha, bul derekter kúdiktilerge qatysty kúmándi kúsheitken.
Aigúl Sailybaevanyń ata-anasy qyzynyń ólimine kinálilerdiń qatań jaza alǵanyn qalaidy. Alaida olardyń aitýynsha, qazirge deiin nemerelerimen kezdesý múmkin bolmai otyr.
Bul is Qazaqstanda da, Germaniiada da qoǵam nazarynan túspei keledi.
