Germaniia soty Facebook jelisinde federaldyq kantsler Fridrih Mertstiń atyna qorlaityn pikir jazǵan eki qoldanýshyǵa salynǵan aiyppuldy zańdy dep tanydy, dep habarlaidy dalanews.kz Welt portalyna silteme jasap.
Olardyń biri saiasatkerdi «Lügenfritz», iaǵni «ótirikshi Frits» dep ataǵan. Eringen qalasynyń soty oǵan 30 kúndik mólsherleme kóleminde aiyppul saldy. Bul shamamen bir ailyq tabysqa teń jáne 2 myń eýrodan asýy múmkin. Sot sheshimi zańdy kúshine endi.
Taǵy bir qoldanýshy «Ftzn Frieder» degen dóreki laqap at qoldanǵany úshin osyndai aiyppul aldy.
Jalpy Hailbronn prokýratýrasy 39 pikirdi qaraǵan. Onyń 15-i boiynsha is toqtatyldy, qalǵandary basqa vedomstvolarǵa joldanǵan nemese áli qaralyp jatyr.
Buǵan Mertstiń Hailbronnǵa sapary kezinde ushýǵa tyiym salynǵany týraly politsiianyń Facebook-tegi jazbasy sebep bolǵan. Pikir qaldyrǵandar Germaniia Qylmystyq kodeksiniń 188-paragrafy boiynsha jaýapqa tartyldy. Bul bap saiasatkerlerge qatysty qorlaý men jala jabý úshin jaýapkershilikti kózdeidi.
