Ýkrainada qazaqstandyq oppozitsioner Aidos Sadyqovqa qastandyq jasalǵan edi. Er adam áielimen birge kóligine jaqyndaǵanda belgisiz bireý tapanshamen atyp ketken. Japa shekken qazaqstandyq belsendi Aidos Sadyqov ekeni belgili boldy. Osy oraida «Qasqa Jol» iýtýb-arnasy máseleniń túiinin tarqatý úshin shuǵyl shyǵarylym daiyndady. Qonaqta bolǵan belgili saiasatker Qazbek Maigeldinov Aidos Sadyqqa kimniń óshteskenin boljap kórdi, dep habarlaidy Dalanews.kz aqparat agenttigi.
Qazbek Maigeldinov Ýkraina úshin Aidos Sadyqqa shabýyl jasaý qanshalyqty tiimdi degen saýalǵa jaýap berdi. Onyń aitýynsha, jýrnaliske shabýyldyń artynda qandai da bir geosaiasi oiyn turýy múmkin. Olai dep aitýǵa sebep te bar.
«Karantin kezin eske túsirip kóreiik. Tótenshe jaǵdai emes, jai ǵana karantin rejiminde dúkenge shyǵý muń boldy. Al endi Kievti eske alaiyq. Karantin men komendanttyq ýaqyttan bólek kúndelikti totaldy baqylaýda otyrǵan qala. Áli kúnge deiin qylmyskerdiń ustalmaýyna qaraǵanda osyndai qatań tekseriste turǵan qalada oǵan qashyp ketýge qalai jaǵdai jasalǵan? Osy tusta arnaiy daiyndalǵan opertsiia bolýy múmkin degen oi týyndaidy. Osydan eki apta buryn oida joqta Zelenskii Ortalyq Aziia jýrnalisterin suhbat berýge shaqyrdy. Soǵys bolyp jatqan eldiń basshysy álemdik deńgeidegi emes, Ortalyq Aziia memleketteriniń tilshilerin shaqyrdy. Onyń ústine bizdiń elden memlekettik BAQ-tyń jýrnalisterin nemese qaralymy jaǵynan joǵary aýditoriia jinai alatyndardy shaqyrǵan joq. Osydan barlyǵyn qurastyratyn bolsaq Ýkrainanyń kózdegen bir múddesi bar. Jýrnalisterdi shaqyrý men jýrnaliske shabýyldyń arasynda bir bailanys bar siiaqty, munyń bári jaidan jai bolyp jatqan joq. Fakt bar. Eger Ózbekstan men Qyrǵyzstanda da osyndai jaǵdai bolatyn bolsa, Ortalyq Aziia geosaiasi oiynnyń bir elementine ainalyp otyr degen oi týyndaidy».
Saiasatkerdiń sózinshe bul jerde qandai da asyǵys sheshim shyǵarýǵa bolmaidy.
«Arandatýshylyqqa jol bermeýimiz kerek. Turaqtylyǵymyz bar bolsa syrtqy kúshtiń iritki salýyna jaǵdai jasamaiyq. Ol úshin aqparattyq soǵysta aqty aq, qarany qara dep kórsete bilýimiz mańyzdy. Qandai jaǵdaida, ne úshin, nendei maqsatpen degen suraqtardy jan-jaqty qarastyryp baryp sheshim shyǵarýymyz mańyzdy. Eshqandai asyǵys sheshim qabyldaýǵa bolmaidy».
SUHBATPEN TOLYQ TANYSÝ ÚShIN MYNA SILTEMEDEN ÓTIŃIZ: Kievte totaldy baqylaý, tapa-tal túste adamdy atyp ketý múmkin emes – Qazbek Maigeldinov
