Energetika ministri Erlan Aqkenjenov "áleýmettik ámiian" pilottyq jobasynyń nátijelerin jariialady. Ministr atap ótkendei, Shymkent pen Batys Qazaqstan oblysynda eGov Mobile qosymshasy arqyly ataýly (AÁK) jáne turǵyn úi (TÚK) kómegin alýshylarǵa tabiǵi gazǵa 24%-ǵa deiin jeńildikter usynýǵa arnalǵan tsifrlyq qural – "Áleýmettik ámiian" pilottyq jobasy iske qosyldy. Testileýden keiin jobany búkil elimizde qoldaný josparlanyp otyr, dep habarlaidy Dalanews.kz.
Bastama sheńberinde ataýly jáne turǵyn úi kómegin alýshylar belgilengen shekte gaz vaýcherlerine ie bolady: BQO-da aiyna 833 sharshy metrge deiin jáne Shymkenttegi aiyna tutys limiti 631 sharshy metrge deiin. 24%-ǵa deiin jeńildikpen tutynylatyn gaz kólemi 2,9 mln sharshy metrdi qurady.
"Servistiń joǵary suranysy jáne ózektiligi ony búkil elimiz boiynsha odan ári damytý qajettigin rastaidy. Bul pilottyq joba 2025 jyldyń sáýir aiynyń sońynda aiaqtalady. Osyǵan bailanysty qazirgi ýaqytta pilottyq jobanyń merzimin aǵymdaǵy jyldyń 30 maýsymyna deiin uzartý, keiinnen elimizdiń barlyq gazdandyrylǵan óńirlerinde 1 jyl merzimge keńeite otyryp, qoldaný týraly másele pysyqtalýda", — dedi ministr.
Sonymen qatar, onyń aitýynsha, gaz salasyn damytýdy qamtamasyz etý maqsatynda ishki naryqta taýarlyq gazdy kóterme saýdada ótkizýdiń shekti baǵasy 5 jyl merzimge bekitiledtin boldy.
Sondai-aq, taýarlyq gazdyń ortasha shekti kóterme baǵasy 1 000 m3 úshin 23 646 teńge bolǵanda, ulttyq operator ony halyqqa jetkizýde árbir 1000 sharshy metriniń 10 096 teńgesin sýbsidiialaityn bolady.
