Almaty qalasy Mádenıet basqarmasynyń basshysy Ǵanı Maılybaev jańa qyzmetke taǵaıyndaldy, dep habarlaıdy Dalanews.kz.
"Almaty oblysy ákiminiń ókimimen Ǵanı Aıdaruly Maılybaev 2025 jyldyń 3 qazanynan bastap Almaty oblysy ákiminiń orynbasary laýazymyna taǵaıyndaldy", - delingen Almaty oblysy ákimdigi taratqan resmı habarlamada.
Eske salaıyq, buǵan deıin Dalanews.kz agenttigi sheneýniktiń jańa qyzmetke baratynyn málimdegen edi.
Aıta keteıik, jaqynda Almaty oblysy ákiminiń orynbasary Nurlan Ábdirahym Almaty qalasy ákiminiń orynbasary qyzmetine keldi.
Maılybaevtyń eńbek joly
Ǵanı Maılybaev 1987 jyly 10 qyrkúıekte dúnıege kelgen. Ol Abaı atyndaǵy Qazaq ulttyq pedagogıkalyq ýnıversıtetin, RF Prezıdenti janyndaǵy Reseı halyq sharýashylyǵy jáne Memlekettik qyzmet akademıasyn bitirgen.
Eńbek jolyn 2008 jyly Nur Otan partıasynyń Almatydaǵy Bostandyq aýdandyq fılıalynyń bas býhgalteri qyzmetinen bastaǵan.
Túrli jyldary partıanyń Alataý aýdandyq fılıalynda zań keńesshisi, keńesshi bolyp jumys istedi.
2014-2015 jyldary Nur Otan partıasy Medeý aýdandyq fılıaly tóraǵasynyń birinshi orynbasary boldy.
2015-2019 jyldary Almaty qalasy Medeý aýdany ákiminiń orynbasary qyzmetin atqarǵan.
2019-2020 jyldary Naýryzbaı aýdany ákiminiń orynbasary boldy.
2020 jylǵa deıin ol Jambyl oblysy ákimdigi týrızm basqarmasynyń basshysy bolyp jumys istedi.
