U.S. News & World Report sarapshylary zeinet jasynda jaily ómir súrýge qolaily elderdiń reitingin jariialady. 89 memleketti qamtyǵan tizimde Qazaqstan 77-orynǵa turaqtady. Bul kórsetkish eldiń ómir súrý quny, salyq, densaýlyq saqtaý júiesi, klimat, menshik quqyǵyn qorǵaý jáne jalpy ómir súrýge qolailylyq siiaqty birneshe faktor boiynsha baǵalanǵan, dep habarlaidy Dalanews.kz energyprom.kz deregine siltep.
Reitingte Qazaqstannan tómen oryn alǵan elder qatarynda Ázerbaijan (81), Ózbekstan (84), Ýkraina (85), Belarýs (87) jáne Resei (89) bar. Sońǵy orynda Iran. Al alǵashqy ondyqqa Eýropanyń damyǵan elderi, sondai-aq, Jańa Zelandiia, Aýstraliia jáne Kanada engen. Máselen Gana (75), Qytai (61), Japoniia (34) jáne Túrkiia (33) Qazaqstannan joǵary tur.
Sonymen qatar, eldegi zeinetkerler sany artyp keledi. BJZQ dereginshe, zeinetaqy tólemin alýshylar sany 1,52 mln adamǵa jetken. Onyń 684,4 myńy - jasyna bailanysty zeinetkerler.
2024 jylǵy málimet boiynsha salymshylardyń 65,4%-y jylyna 9-12 ret jarna aýdarǵan. 2025 jylǵy saýalnama nátijesine sáikes qazaqstandyqtardyń 39,3%-y bolashaqta negizgi tabys kózi retinde zeinetaqy qoryndaǵy jinaǵyna senedi. 25%-y memleket tóleitin zeinetaqyǵa úmit artsa, 15,6%-y ózge jinaqtaryna, 11,6%-y biznesine senim bildirgen.
Sarapshylardyń baǵasy sýbektivti bolýy múmkin. Degenmen zertteý nátijesi qazaqstandyqtardyń zeinet jasyndaǵy qarjylyq turaqtylyq máselesine alańdaitynyn ańǵartady.
