S.M. Aldashev S.M. Kırov atyndaǵy QazMÝ «quqyqtaný» mamandyǵy boıynsha bitirgen soń Shyǵys Qazaqstan Memlekettik Ýnıversıtetiniń zań fakúltetinde oqytýshylyq qyzmette 1992 jyldyń qyrkúıek aıyna deıin jumys jasady. 1992 j., qazan aıynan bastap ál-Farabı atyndaǵy QazUÝ-de eńbek quqyǵy jáne azamattyq ister júrgizý kafedrasynda asıstent qyzmetin atqardy.
1993 j. qarasha aıynda 12.00.05 – eńbek quqyǵy; áleýmettik qamsyzdandyrý quqyǵy mamandyǵy boıynsha aspırantýranyń kúndizgi bólimine oqýǵa túsip, 1996 j. maýsym aıynda kandıdattyq dısertasıasyn qorǵady. 1996 j. qyrkúıek aıynan bastap zań fakúltetiniń eńbek quqyǵy jáne azamattyq ister júrgizý kafedrasynyń aǵa oqytýshysy, dosenti qyzmetin atqardy.
1998 – 2000 jyldar aralyǵynda eńbek quqyǵy jáne azamattyq ister júrgizý kafedrasynyń meńgerýshisi qyzmetin atqardy. 2001-2003 j.j. aralyǵynda zań fakúltetiniń dekanynyń magıstratýra jóninde orynbasary qyzmetin atqardy.
2005-2008 jyldar aralyǵynda eńbek quqyǵy jáne azamattyq ister júrgizý kafedrasynyń meńgerýshi qyzmetin atqardy.
2010 jyldan bastap zań fakúltetiń azamattyq quqyq jáne azamattyq is júrgizý,eńbek quqyǵy kafedrasynyń dosenti qyzmetin atqaryp keledi.
Ǵalymnyń túrli deńgeıdegi otandyq, halyqaralyq ǵylymı-praktıkalyq konferensıalarǵa turaqty túrde qatysýmen qatar, sheteldik bedeldi ǵylymı jýrnaldar, basylymdarda jetpisten astam ǵylymı maqalalary jarıalanǵan
Zańger ǵalymnyń osy bir mereıtoıynda ǵylym jolyndaǵy izdenisteri sáttilikke toly bolyp, egemendi elimizdiń bolashaǵy úshin eńbek ete berýine tilekshimiz. Quqyqqa jáne zań ǵylymyna qyzmet etý ómiriniń mánine aınalǵan, óz ornyn zań ǵylymnan tapqan, kásibı mektepten ótip, eren tulǵa retinde qalyptasqan sabyrly da salmaqty, óz isiniń sheberi Sarsenǵalı Myrzaulyna Qazaqstannyń zań salasy ómirsheń de sapaly zańdarymen tolyǵyp, memlekettiń jarqyn bolashaǵy úshin qosar úlesińiz aldaǵy ýaqytta da jalǵasyn taba bersin demekpiz.
Zań ǵylymdarynyń doktory B.A.Jandarbek
Zań ǵylymdarynyń kandıdaty S.R.Ermýhametova
