س.م. الداشيەۆ س.م. كيروۆ اتىنداعى قازمۋ «قۇقىقتانۋ» ماماندىعى بويىنشا بىتىرگەن سوڭ شىعىس قازاقستان مەملەكەتتىك ۋنيۆەرسيتەتىنىڭ زاڭ فاكۋلتەتىندە وقىتۋشىلىق قىزمەتتە 1992 جىلدىڭ قىركۇيەك ايىنا دەيىن جۇمىس جاسادى. 1992 ج.، قازان ايىنان باستاپ ءال-فارابي اتىنداعى قازۇۋ-دە ەڭبەك قۇقىعى جانە ازاماتتىق ىستەر جۇرگىزۋ كافەدراسىندا اسسيستەنت قىزمەتىن اتقاردى.
1993 ج. قاراشا ايىندا 12.00.05 – ەڭبەك قۇقىعى؛ الەۋمەتتىك قامسىزداندىرۋ قۇقىعى ماماندىعى بويىنشا اسپيرانتۋرانىڭ كۇندىزگى بولىمىنە وقۋعا ءتۇسىپ، 1996 ج. ماۋسىم ايىندا كانديداتتىق ديسسەرتاسياسىن قورعادى. 1996 ج. قىركۇيەك ايىنان باستاپ زاڭ فاكۋلتەتىنىڭ ەڭبەك قۇقىعى جانە ازاماتتىق ىستەر جۇرگىزۋ كافەدراسىنىڭ اعا وقىتۋشىسى، دوسەنتى قىزمەتىن اتقاردى.
1998 – 2000 جىلدار ارالىعىندا ەڭبەك قۇقىعى جانە ازاماتتىق ىستەر جۇرگىزۋ كافەدراسىنىڭ مەڭگەرۋشىسى قىزمەتىن اتقاردى. 2001-2003 ج.ج. ارالىعىندا زاڭ فاكۋلتەتىنىڭ دەكانىنىڭ ماگيستراتۋرا جونىندە ورىنباسارى قىزمەتىن اتقاردى.
2005-2008 جىلدار ارالىعىندا ەڭبەك قۇقىعى جانە ازاماتتىق ىستەر جۇرگىزۋ كافەدراسىنىڭ مەڭگەرۋشى قىزمەتىن اتقاردى.
2010 جىلدان باستاپ زاڭ فاكۋلتەتىڭ ازاماتتىق قۇقىق جانە ازاماتتىق ءىس جۇرگىزۋ،ەڭبەك قۇقىعى كافەدراسىنىڭ دوسەنتى قىزمەتىن اتقارىپ كەلەدى.
عالىمنىڭ ءتۇرلى دەڭگەيدەگى وتاندىق، حالىقارالىق عىلىمي-پراكتيكالىق كونفەرەنسيالارعا تۇراقتى تۇردە قاتىسۋمەن قاتار، شەتەلدىك بەدەلدى عىلىمي جۋرنالدار، باسىلىمداردا جەتپىستەن استام عىلىمي ماقالالارى جاريالانعان
زاڭگەر عالىمنىڭ وسى ءبىر مەرەيتويىندا عىلىم جولىنداعى ىزدەنىستەرى ساتتىلىككە تولى بولىپ، ەگەمەندى ەلىمىزدىڭ بولاشاعى ءۇشىن ەڭبەك ەتە بەرۋىنە تىلەكشىمىز. قۇقىققا جانە زاڭ عىلىمىنا قىزمەت ەتۋ ءومىرىنىڭ مانىنە اينالعان، ءوز ورنىن زاڭ عىلىمنان تاپقان، كاسىبي مەكتەپتەن ءوتىپ، ەرەن تۇلعا رەتىندە قالىپتاسقان سابىرلى دا سالماقتى، ءوز ءىسىنىڭ شەبەرى سارسەنعالي مىرزاۇلىنا قازاقستاننىڭ زاڭ سالاسى ومىرشەڭ دە ساپالى زاڭدارىمەن تولىعىپ، مەملەكەتتىڭ جارقىن بولاشاعى ءۇشىن قوسار ۇلەسىڭىز الداعى ۋاقىتتا دا جالعاسىن تابا بەرسىن دەمەكپىز.
زاڭ عىلىمدارىنىڭ دوكتورى ب.ا.جانداربەك
زاڭ عىلىمدارىنىڭ كانديداتى س.ر.ەرمۋحامەتوۆا
