Ekonomikalyq qýatyn tek mynadan bile berińiz - 2015 jylǵy biýdjetinen 3 milliard dollar qarjyny tek tabiǵi qoryqtaryn damytýǵa bóldi (áleýmettik-ekonomikalyq salalardy aitpai-aq qoiaiyn). Al Resei óz qoryqtary men ormandaryn qorǵaýǵa bólgen bir jyldyq biýdjet qarjysy 10 million dollarǵa jetpeidi. AQSh-tyń bir jyldyq áskeri biýdjeti - 640 milliard dollar, Resei áskeriniki - 88 milliard. Ortasha ailyq jalaqy AQSh-ta 4000 dollarǵa taiaý, Reseide - 1200 dollar.
Bul eldiń turǵyndary shetke de keiin shyǵa bastady. Áitpese eldiń ózi jeke materik siiaqty ǵoi. Qanshama ýaqyt pen klimat zonalaryna bólingen. Sol sebepti ishki týrizm qatty damyǵan. Amerikalyq bolsańyz, dál búgin eldiń bir buryshyna baryp muhitqa shomylyp, kúnge kúiip qaita alasyz, ia basqa bir shetine baryp taý basynda shańǵy tepseńiz bolady, orman aralaimyn deseńiz de, shól dalany kezem deseńiz de, bári tabylady. Biyl AQSh ózin "álem boiynsha retsessiiadan eń jaqsy jaǵdaimen shyqqan elmiz" dep málimdedi. Ekonomikalyq qýatyn tek mynadan bile berińiz - 2015 jylǵy biýdjetinen 3 milliard dollar qarjyny tek tabiǵi qoryqtaryn damytýǵa bóldi (áleýmettik-ekonomikalyq salalardy aitpai-aq qoiaiyn). Al Resei óz qoryqtary men ormandaryn qorǵaýǵa bólgen bir jyldyq biýdjet qarjysy 10 million dollarǵa jetpeidi. AQSh-tyń bir jyldyq áskeri biýdjeti - 640 milliard dollar, Resei áskeriniki - 88 milliard. Ortasha ailyq jalaqy AQSh-ta 4000 dollarǵa taiaý, Reseide - 1200 dollar.
Halqynyń teń jartysy áli kómir jaǵyp, ogorodynyń artyndaǵy aǵash dárethanaǵa baryp, saz balshyq qara jolmen júretin Reseidiń saiasi jetekshiligi byltyrdan beri eski áskeri tehnikasyn saldyrlatyp, kórshilerin túrtpektep, kúshene bastady. "Qyrǵi-qabaq soǵys" kezeńindegi amerikalyq qoǵam mundai áreketke ájeptáýir alańdai qalar edi. Biraq búgingi AQSh aianyshpen músirkei qaraidy, ia tipti óziniń ishki sharýalaryn sheship jatyp joǵaryda aitqanymdai baiqamai da qalady. Sol sebepti shyǵar Washington Post-tyń búgingi nómiri úshin Minsk kelissózinen góri 2016 jyly AQSh-taǵy prezident sailaýyna qatysýy múmkin Viskonsin gýbernatorynyń ne sebepti ýniversitettiń sońǵy kýrsynda oqýdan shyǵyp qalǵany áldeqaida mańyzdyraq kórinipti (bas maqala sol týraly eken). Al New York Times Barak Obamanyń Kongresten Taiaý Shyǵysta áskeri kúsh qoldaný ruqsatyn suraý sebepterin taldapty. Al myna tarapta keibir reseilik telearnalar "jeńimpaz orys armiiasynyń" 21-ǵasyrdaǵy Batysqa (áýeli tutas Eýropaǵa, sosyn tipti muhit asyp AQSh-qa jetetin) joryǵy qalai bolatynyn qyzylkeńirdektenip, túkirikterine shashalyp sýrettep áýre. Eń bir kúlkili jait - qazirgi AQSh úshin Kremldiń bul ash qarynǵa kúshengen ritorikasynyń Hrýshevtiń báteńkesi qurly salmaǵy joq qoi...
Facbook-tegi paraqshasynan alyndy
