ەكونوميكالىق قۋاتىن تەك مىنادان بىلە بەرىڭىز - 2015 جىلعى بيۋدجەتىنەن 3 ميلليارد دوللار قارجىنى تەك تابيعي قورىقتارىن دامىتۋعا ءبولدى (الەۋمەتتىك-ەكونوميكالىق سالالاردى ايتپاي-اق قويايىن). ال رەسەي ءوز قورىقتارى مەن ورماندارىن قورعاۋعا بولگەن ءبىر جىلدىق بيۋدجەت قارجىسى 10 ميلليون دوللارعا جەتپەيدى. اقش-تىڭ ءبىر جىلدىق اسكەري بيۋدجەتى - 640 ميلليارد دوللار، رەسەي اسكەرىنىكى - 88 ميلليارد. ورتاشا ايلىق جالاقى اقش-تا 4000 دوللارعا تاياۋ، رەسەيدە - 1200 دوللار.
اقش - Super Bowl مەن Open Season سياقتى سىرت ادام تۇسىنە بەرمەيتىن ءوز قىزىعى وزىندە جاتقان جەكە ءبىر پلانەتا دەسە بولادى. الەمنىڭ ەڭ جان-جاقتى ءوندىرۋشىسى، ەڭ باقۋاتتى ەكونوميكاسى ءھام ەڭ ءىرى تۇتىنۋشى رىنوگى. ءىرى دەنەلى، ەتجەڭدى ادام ءوز بويىنان الاسالاۋ تومەندەگى جۇرتتى تاكاپپار بولعاندىقتان عانا ەمەس، قارنى كولەگەيلەپ تە كورمەي قالادى عوي. اقش-تىڭ باسقا الەمدى "بايقاماي قالۋ" سەبەپتەرىنىڭ ءبىرى كەيدە وسىعان ۇقسايدى...
بۇل ەلدىڭ تۇرعىندارى شەتكە دە كەيىن شىعا باستادى. ايتپەسە ەلدىڭ ءوزى جەكە ماتەريك سياقتى عوي. قانشاما ۋاقىت پەن كليمات زونالارىنا بولىنگەن. سول سەبەپتى ىشكى تۋريزم قاتتى دامىعان. امەريكالىق بولساڭىز، ءدال بۇگىن ەلدىڭ ءبىر بۇرىشىنا بارىپ مۇحيتقا شومىلىپ، كۇنگە كۇيىپ قايتا الاسىز، يا باسقا ءبىر شەتىنە بارىپ تاۋ باسىندا شاڭعى تەپسەڭىز بولادى، ورمان ارالايمىن دەسەڭىز دە، ءشول دالانى كەزەم دەسەڭىز دە، ءبارى تابىلادى. بيىل اقش ءوزىن "الەم بويىنشا رەسەسسيادان ەڭ جاقسى جاعدايمەن شىققان ەلمىز" دەپ مالىمدەدى. ەكونوميكالىق قۋاتىن تەك مىنادان بىلە بەرىڭىز - 2015 جىلعى بيۋدجەتىنەن 3 ميلليارد دوللار قارجىنى تەك تابيعي قورىقتارىن دامىتۋعا ءبولدى (الەۋمەتتىك-ەكونوميكالىق سالالاردى ايتپاي-اق قويايىن). ال رەسەي ءوز قورىقتارى مەن ورماندارىن قورعاۋعا بولگەن ءبىر جىلدىق بيۋدجەت قارجىسى 10 ميلليون دوللارعا جەتپەيدى. اقش-تىڭ ءبىر جىلدىق اسكەري بيۋدجەتى - 640 ميلليارد دوللار، رەسەي اسكەرىنىكى - 88 ميلليارد. ورتاشا ايلىق جالاقى اقش-تا 4000 دوللارعا تاياۋ، رەسەيدە - 1200 دوللار.
حالقىنىڭ تەڭ جارتىسى ءالى كومىر جاعىپ، وگورودىنىڭ ارتىنداعى اعاش دارەتحاناعا بارىپ، ساز بالشىق قارا جولمەن جۇرەتىن رەسەيدىڭ ساياسي جەتەكشىلىگى بىلتىردان بەرى ەسكى اسكەري تەحنيكاسىن سالدىرلاتىپ، كورشىلەرىن تۇرتپەكتەپ، كۇشەنە باستادى. "قىرعي-قاباق سوعىس" كەزەڭىندەگى امەريكالىق قوعام مۇنداي ارەكەتكە اجەپتاۋىر الاڭداي قالار ەدى. ءبىراق بۇگىنگى اقش ايانىشپەن مۇسىركەي قارايدى، يا ءتىپتى ءوزىنىڭ ىشكى شارۋالارىن شەشىپ جاتىپ جوعارىدا ايتقانىمداي بايقاماي دا قالادى. سول سەبەپتى شىعار Washington Post-تىڭ بۇگىنگى ءنومىرى ءۇشىن مينسك كەلىسسوزىنەن گورى 2016 جىلى اقش-تاعى پرەزيدەنت سايلاۋىنا قاتىسۋى مۇمكىن ۆيسكونسين گۋبەرناتورىنىڭ نە سەبەپتى ۋنيۆەرسيتەتتىڭ سوڭعى كۋرسىندا وقۋدان شىعىپ قالعانى الدەقايدا ماڭىزدىراق كورىنىپتى (باس ماقالا سول تۋرالى ەكەن). ال New York Times باراك وبامانىڭ كونگرەستەن تاياۋ شىعىستا اسكەري كۇش قولدانۋ رۇقساتىن سۇراۋ سەبەپتەرىن تالداپتى. ال مىنا تاراپتا كەيبىر رەسەيلىك تەلەارنالار "جەڭىمپاز ورىس ارمياسىنىڭ" 21-عاسىرداعى باتىسقا (اۋەلى تۇتاس ەۋروپاعا، سوسىن ءتىپتى مۇحيت اسىپ اقش-قا جەتەتىن) جورىعى قالاي بولاتىنىن قىزىلكەڭىردەكتەنىپ، تۇكىرىكتەرىنە شاشالىپ سۋرەتتەپ اۋرە. ەڭ ءبىر كۇلكىلى جايت - قازىرگى اقش ءۇشىن كرەملدىڭ بۇل اش قارىنعا كۇشەنگەن ريتوريكاسىنىڭ حرۋششيەۆتىڭ باتەڭكەسى قۇرلى سالماعى جوق قوي...
Facbook-تەگى پاراقشاسىنان الىندى
