Gala-keshtegi atysqa qatysty kúdiktige AQSh prezidenti Donald Trampqa qastandyq jasaýǵa oqtalý aiyby taǵyldy, dep habarlaidy Dalanews.kz.
31 jastaǵy Koýl Tomas Allen dúisenbi kúni alǵash ret federaldyq sot aldyna shyqty. Oǵan qarýdyń zańsyz ainalymyna bailanysty da aiyp taǵylyp otyr.
Aita keteiik, oqiǵany jasaǵan adam - Kaliforniia shtatynyń turǵyny, 31 jastaǵy Koýl Allen. Ol Torrans qalasynda muǵalim bolyp jumys istegen. Ashyq derekke qaraǵanda, Koýl Allen 2017 jyly Kaliforniia tehnologiialyq institýtyn mashina jasaý mamandyǵy boiynsha támamdap, keiin kompiýterlik ǵylymdar baǵytynda magistr dárejesin alǵan.
Kúdikti senbi kúni keshke Vashingtondaǵy Washington Hilton qonaqúiinde ótken Aq úi tilshileriniń keshine kireberiste ustaldy. Is-sharaǵa Donald Tramp, birinshi hanym Melaniia Tramp jáne vitse-prezident Djei Di Vens qatysqan.
Donald Tramptyń aitýynsha, oqiǵa kezinde qaýipsizdik qyzmetiniń bir qyzmetkeri jaralanǵan.
