Sol kezde finder el basqarǵan Karl Gýstav Manergeimniń mańaiyna toptasyp, memleketin saqatap qaldy. Búginde Ýkraina prezidenti Vladimir Zelenskiige Manergeimniń jolymen júrip ótýine týra kelip tur.
Manergeim «Memleketti saýdagerler, shipondar nemese kareristter qurmaidy. Kez kelgen memleketti idealistter, patriottar jáne el úshin janyn berýge daiyn azamattar ǵana qurady» dep aitqan edi.
Iá, ózinen áskeri kúshi áldeneshe ese basym jaýǵa qarsy turý saýdagerler men kareristterdiń qolynan kelmesi anyq.
Mundai nar táýekelge patriottar men el úshin basyn báigege tikken idealistter baratyny anyq. Buǵan Keńester odaǵy men Finlandiia arasyndaǵy joiqyn soǵys aiqyn mysal bolady.
Ýkraina prezidenti Zelenskii de soǵys bastalǵan kúni Batys elderine bas saýǵalap qashpai, halqynyń ortasynda bolyp, úlken synaqua shydap baqty. Osydan keiin Zelenskiidiń abyroiy arta túskeni anyq. Sondyqtan soǵys bitkenshe Zelenskii tabandylyǵynan ainymaýy kerek.
Kezinde Keńester odaǵy fin jerine basyp kirgende erkekterdi bylai qoiyp, áielder men jas balalardyń ózderi qoldaryna qarý alyp, Otanyn qorǵap, Keńes áskerine tabandy túrde qarsylyq bildirdi. Mannergeimniń ózi fin áskerin bastap jaýmen alysty.
Keńes áskeri el astanasy Helsinkke jaqyndaǵanda Mannergeim «Bizdi Otanymyzdy qorǵap qalýdan basqa jol joq!» dep uran tastaǵanda búkil fin onyń mańaiyna toptasty.
Finlandiia Úkimetiniń múshesi, zań shyǵarýshy organnyń birde-bir depýtaty shetelge bas saýǵalap qashqan joq. Bári qolyna qarý alyp, jaýǵa qarsy shyqty.
Sol ýaqytta joǵary shendilerdiń áielderi, din qyzmetkerleri, 10-12 jastaǵy jasóspirim balalarǵa deiin qoldaryna qarý alyp, Keńes áskerine toitarys berip, Helsinkti qorǵap qaldy.
Keskilesken soǵys kezinde 26 000 fin kóz jumsa, Keńes áskeri 167 000 áskerinen aiyrylǵan edi. Búginde osy jaǵdai Ýkrainada qaitalanýdy. Finderdiń erilikke toly áreketi Otan úshin soǵysýdy qanshalyqta mańyzdy ekenin qolmen qoiǵandai kórsetip bergen edi.
