سول كەزدە فيندەر ەل باسقارعان كارل گۋستاۆ مانەرگەيمنىڭ ماڭايىنا توپتاسىپ، مەملەكەتىن ساقاتاپ قالدى. بۇگىندە ۋكراينا پرەزيدەنتى ۆلاديمير زەلەنسكييگە مانەرگەيمنىڭ جولىمەن ءجۇرىپ وتۋىنە تۋرا كەلىپ تۇر.
مانەرگەيم «مەملەكەتتى ساۋداگەرلەر، شيپوندار نەمەسە كارەريستتەر قۇرمايدى. كەز كەلگەن مەملەكەتتى يدەاليستتەر، پاتريوتتار جانە ەل ءۇشىن جانىن بەرۋگە دايىن ازاماتتار عانا قۇرادى» دەپ ايتقان ەدى.
ءيا، وزىنەن اسكەري كۇشى الدەنەشە ەسە باسىم جاۋعا قارسى تۇرۋ ساۋداگەرلەر مەن كارەريستتەردىڭ قولىنان كەلمەسى انىق.
مۇنداي نار تاۋەكەلگە پاتريوتتار مەن ەل ءۇشىن باسىن بايگەگە تىككەن يدەاليستتەر باراتىنى انىق. بۇعان كەڭەستەر وداعى مەن فينلانديا اراسىنداعى جويقىن سوعىس ايقىن مىسال بولادى.
ۋكراينا پرەزيدەنتى زەلەنسكيي دە سوعىس باستالعان كۇنى باتىس ەلدەرىنە باس ساۋعالاپ قاشپاي، حالقىنىڭ ورتاسىندا بولىپ، ۇلكەن سىناقۇا شىداپ باقتى. وسىدان كەيىن زەلەنسكييدىڭ ابىرويى ارتا تۇسكەنى انىق. سوندىقتان سوعىس بىتكەنشە زەلەنسكيي تاباندىلىعىنان اينىماۋى كەرەك.
كەزىندە كەڭەستەر وداعى فين جەرىنە باسىپ كىرگەندە ەركەكتەردى بىلاي قويىپ، ايەلدەر مەن جاس بالالاردىڭ وزدەرى قولدارىنا قارۋ الىپ، وتانىن قورعاپ، كەڭەس اسكەرىنە تاباندى تۇردە قارسىلىق ءبىلدىردى. ماننەرگەيمنىڭ ءوزى فين اسكەرىن باستاپ جاۋمەن الىستى.
كەڭەس اسكەرى ەل استاناسى حەلسينككە جاقىنداعاندا ماننەرگەيم «ءبىزدى وتانىمىزدى قورعاپ قالۋدان باسقا جول جوق!» دەپ ۇران تاستاعاندا بۇكىل فين ونىڭ ماڭايىنا توپتاستى.
فينلانديا ۇكىمەتىنىڭ مۇشەسى، زاڭ شىعارۋشى ورگاننىڭ بىردە-بىر دەپۋتاتى شەتەلگە باس ساۋعالاپ قاشقان جوق. ءبارى قولىنا قارۋ الىپ، جاۋعا قارسى شىقتى.
سول ۋاقىتتا جوعارى شەندىلەردىڭ ايەلدەرى، ءدىن قىزمەتكەرلەرى، 10-12 جاستاعى ءجاسوسپىرىم بالالارعا دەيىن قولدارىنا قارۋ الىپ، كەڭەس اسكەرىنە تويتارىس بەرىپ، حەلسينكتى قورعاپ قالدى.
كەسكىلەسكەن سوعىس كەزىندە 26 000 فين كوز جۇمسا، كەڭەس اسكەرى 167 000 اسكەرىنەن ايىرىلعان ەدى. بۇگىندە وسى جاعداي ۋكراينادا قايتالانۋدى. فيندەردىڭ ەرىلىككە تولى ارەكەتى وتان ءۇشىن سوعىسۋدى قانشالىقتا ماڭىزدى ەكەنىن قولمەن قويعانداي كورسەتىپ بەرگەن ەدى.
