Qazaqstan fýtbol federatsiiasy ulttyq quramanyń jańa bas bapkerin resmi túrde tanystyrdy. Bul qyzmetke niderlandtyq maman Djon van’t Shkip taǵaiyndaldy, dep habarlaidy dalanews.kz.
Djon van't Shkip fýtbolshy retinde Niderland quramasynyń sapynda 1988 jylǵy Eýropa chempionatynda jeńimpaz atanǵan. Ol 1986–1995 jyldar aralyǵynda ulttyq qurama úshin 41 match ótkizdi.
Bapkerlik mansabynda ol «Aiaks» klýbynyń jastar jáne negizgi quramyn, «Tvente», «Zvolle», Avstraliianyń «Melbýrn Siti» men «Melbýrn Hart», sondai-aq Meksikanyń «Gvadalahara» klýbyn jattyqtyrǵan.
Sondai-aq niderlandtyq maman ulttyq quramalarmen de jumys istegen. 2019-2021 jyldary Grekiia quramasyn basqaryp, 2022 jylǵy álem chempionatyna irikteý kezeńinde Ispaniia, Shvetsiia, Grýziia jáne Kosovo quramalarymen bir topta úshinshi oryn alǵan.
Onyń ulttyq quramadaǵy sońǵy qyzmeti 2025 jyly Armeniia quramasynda boldy. Komandany aqpan aiynda qabyldap alǵanymen, tórt matchta bir ǵana teń nátijege qol jetkizdi. Osydan keiin sol jyldyń tamyz aiynda kelisimsharty buzyldy.
