قازاقستان فۋتبول فەدەراتسيياسى ۇلتتىق قۇرامانىڭ جاڭا باس باپكەرٸن رەسمي تٷردە تانىستىردى. بۇل قىزمەتكە نيدەرلاندتىق مامان دجون ۆان’ت شكيپ تاعايىندالدى, دەپ حابارلايدى dalanews.kz.
دجون ۆان'ت شكيپ فۋتبولشى رەتٸندە نيدەرلاند قۇراماسىنىڭ ساپىندا 1988 جىلعى ەۋروپا چەمپيوناتىندا جەڭٸمپاز اتانعان. ول 1986–1995 جىلدار ارالىعىندا ۇلتتىق قۇراما ٷشٸن 41 ماتچ ٶتكٸزدٸ.
باپكەرلٸك مانسابىندا ول «اياكس» كلۋبىنىڭ جاستار جەنە نەگٸزگٸ قۇرامىن, «تۆەنتە», «زۆوللە», اۆسترالييانىڭ «مەلبۋرن سيتي» مەن «مەلبۋرن حارت», سونداي-اق مەكسيكانىڭ «گۆادالاحارا» كلۋبىن جاتتىقتىرعان.
سونداي-اق نيدەرلاندتىق مامان ۇلتتىق قۇرامالارمەن دە جۇمىس ٸستەگەن. 2019-2021 جىلدارى گرەكييا قۇراماسىن باسقارىپ, 2022 جىلعى ەلەم چەمپيوناتىنا ٸرٸكتەۋ كەزەڭٸندە يسپانييا, شۆەتسييا, گرۋزييا جەنە كوسوۆو قۇرامالارىمەن بٸر توپتا ٷشٸنشٸ ورىن العان.
ونىڭ ۇلتتىق قۇراماداعى سوڭعى قىزمەتٸ 2025 جىلى ارمەنييا قۇراماسىندا بولدى. كوماندانى اقپان ايىندا قابىلداپ العانىمەن, تٶرت ماتچتا بٸر عانا تەڭ نەتيجەگە قول جەتكٸزدٸ. وسىدان كەيٸن سول جىلدىڭ تامىز ايىندا كەلٸسٸمشارتى بۇزىلدى.
