Freedom kompaniialar toby 2,12 mlrd teńge mólsherindegi atalǵan jobany iske asyrýdy tolyq qarjylandyrady. Injenerlik qurylystar salý Aqtaý qalasynyń jáne Túpqaraǵan aýdany Aqshuqyr, Sain Shapaǵatov aýyldarynyń turǵyndaryn sapaly aýyz sýmen úzdiksiz qamtamasyz etýge múmkindik beredi.
Nátijesinde bul máselede 230 myńǵa jýyq adamnyń qajettiligi qanaǵattandyrylady. Joba boiynsha qurylys-montajdaý jumystaryn oryndaý Mańǵystaý oblysy energetika jáne turǵyn úi-kommýnaldyq sharýashylyq basqarmasynyń «Kaspii Jylý, sý Arnasy» MKK-ne júktelgen.
Qurylystyń aiaqtalýy 2023 jylǵa josparlanǵan.
Esterińizge sala keteiik, 2022 jyldyń basynda Memleket Basshysy Qasym-Jomart Toqaev otandyq biznes ókilderimen kezdesýde kásipkerlerdi otansúigishtik pen áleýmettik jaýapkershilik tanytýǵa jáne kapital, tájiribe, basqarýshylar komandasynyń áleýeti jáne naryqtyń naqty kórinisi siiaqty resýrstardy ekonomikany qaita qurýǵa baǵyttaýǵa shaqyrdy.
«Eger siz óz bolashaǵyńyzdy Qazaqstanmen bailanystyrsańyz, onda óz qarajatyńyzdy elimizge qaita salýyńyz qajet. Bul Sizdiń Qazaqstan aldyndaǵy áleýmettik jáne saiasi jaýapkershiligińiz», - dep atap ótti Prezident.
Timýr Týrlov, Freedom Holding Corp. Bas atqarýshy direktory:
«Biyl bizdiń memleketimiz úshin jańa kezeń bastaldy. Bizdiń oiymyzsha, Jańa Qazaqstandy qurýdyń jetistigi árqaisymyzdyń qolymyzda bolmaq. Jeke ózim úshin ári bizdiń búkil kompaniiamyz úshin eldegi múmkindikterdiń teń bolýyna úles qosý asa mańyzdy. Óńirge kórsetetin qaiyrymdylyq kómegimiz búkil kásipkerlik qoǵamdastyqqa ózindik belgi bolmaq, sol arqyly biz memleketpen birge keiinge qaldyrýǵa bolmaityn barlyq problemalardy jyldam sheshe alamyz dep úmittenemin, sebebi sý - adamnyń negizgi qajettiligi. Biz úshin, azamattar úshin Qazaqstanymyzdy budan da ádil etýge kómektesetin ári erteń bizdiń bolashaǵymyz sál jarqyn bolady degen úmit beretin jobaǵa qatysyp jatqanymyz – maqtanysh».
Búgingi tańda tushy sýdyń jetispeýshiligi Mańǵystaý oblysynyń basty problemalarynyń biri bolyp tabylady. Óńirde onyń tabiǵi kózderi joq, aýyz sýdy teńiz sýynan alady.
Alaida, bul shara da halyqty sýmen úzdiksiz qamtamasyz etýge múmkindik bermeidi. Óńirdiń damý deńgeiin eskere otyryp, 2025 jylǵa qarai tushy sýǵa degen qajettilik shamasy táýligine 250-260 myń m³, al tapshylyq táýligine 100-110 myń m³ quraidy.
Nurlan Noǵaev, Mańǵystaý oblysynyń ákimi:
«Biz kásipkerlerdiń áleýmettik jaýapkershilikke kóp kóńil bólip, óńirdiń damýyna óz qarajatyn salyp jatqandaryna qýanyshtymyz. Bul jolda biz jalpy uzyndyǵy 18 shaqyrym bolatyn sý qubyrynyń qurylysyn qoldaǵan Timýr Týrlovqa alǵysymyzdy bildiremiz. Bul sý qubyry Aqtaý qalasy men Aqshuqyr kenti arasynda ornalasady, onda qazirgi ýaqytta jeke investordyń esebinen sý tushytý zaýytynyń qurylysy júrip jatyr. Ózderińiz biletindei, Mańǵystaý óńirinde ásirese mamyr men qyrkúiek ailarynyń aralyǵynda aýyz sý tapshylyǵy baiqalady. Atalǵan jobany iske asyrý qorytyndysy boiynsha Aqshuqyr, Sain Shapaǵatov eldi mekenderi men Aqtaý qalasynyń bir bóligi sýmen tolyq qamtamasyz etiledi dep senemiz».
2015 jyly BUU Bas Assambleiasy ornyqty damýdyń 17 maqsatyn ázirledi, onyń ishinde «Barlyǵyna sý resýrstary men sanitariianyń baryn jáne tiimdi paidalanylýyn qamtamasyz etý».
Qazaqstanda ODM-ny iske asyrý jáne oǵan qol jetkizý protsesiniń monitoringi BUU ókilderiniń tarapynan da, sondai-aq Qazaqstan Respýblikasy Úkimetiniń tarapynan da turaqty júzege asyrylady.
Mańǵystaý oblysynda sý tushytý zaýytynan 4-SQOT-qa deiin sorǵy stantsiiasy men sýmen jabdyqtaý jelileriniń qurylysyn qarjylandyrý bul - ornyqty damý maqsattaryna jaýap beretin ESG-kún tártibi sheńberinde iske asyrylatyn bastamalardyń biri. Sondai-aq, aǵymdaǵy jylǵy qazan aiynda Freedom Holding Corp. kompaniiasynyń enshiles kompaniiasy Freedom Finance Global PLC-diń Ulttyq ESG klýbyna qosylǵanyn atap ótemiz.
