Freedom كومپانيالار توبى 2،12 ملرد تەڭگە مولشەرىندەگى اتالعان جوبانى ىسكە اسىرۋدى تولىق قارجىلاندىرادى. ينجەنەرلىك قۇرىلىستار سالۋ اقتاۋ قالاسىنىڭ جانە ءتۇپقاراعان اۋدانى اقشۇقىر، ساين شاپاعاتوۆ اۋىلدارىنىڭ تۇرعىندارىن ساپالى اۋىز سۋمەن ۇزدىكسىز قامتاماسىز ەتۋگە مۇمكىندىك بەرەدى.
ناتيجەسىندە بۇل ماسەلەدە 230 مىڭعا جۋىق ادامنىڭ قاجەتتىلىگى قاناعاتتاندىرىلادى. جوبا بويىنشا قۇرىلىس-مونتاجداۋ جۇمىستارىن ورىنداۋ ماڭعىستاۋ وبلىسى ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسىنىڭ «كاسپيي جىلۋ، سۋ ارناسى» مكك-نە جۇكتەلگەن.
قۇرىلىستىڭ اياقتالۋى 2023 جىلعا جوسپارلانعان.
ەستەرىڭىزگە سالا كەتەيىك، 2022 جىلدىڭ باسىندا مەملەكەت باسشىسى قاسىم-جومارت توقايەۆ وتاندىق بيزنەس وكىلدەرىمەن كەزدەسۋدە كاسىپكەرلەردى وتانسۇيگىشتىك پەن الەۋمەتتىك جاۋاپكەرشىلىك تانىتۋعا جانە كاپيتال، تاجىريبە، باسقارۋشىلار كومانداسىنىڭ الەۋەتى جانە نارىقتىڭ ناقتى كورىنىسى سياقتى رەسۋرستاردى ەكونوميكانى قايتا قۇرۋعا باعىتتاۋعا شاقىردى.
«ەگەر ءسىز ءوز بولاشاعىڭىزدى قازاقستانمەن بايلانىستىرساڭىز، وندا ءوز قاراجاتىڭىزدى ەلىمىزگە قايتا سالۋىڭىز قاجەت. بۇل ءسىزدىڭ قازاقستان الدىنداعى الەۋمەتتىك جانە ساياسي جاۋاپكەرشىلىگىڭىز»، - دەپ اتاپ ءوتتى پرەزيدەنت.
تيمۋر تۋرلوۆ، Freedom Holding Corp. باس اتقارۋشى ديرەكتورى:
«بيىل ءبىزدىڭ مەملەكەتىمىز ءۇشىن جاڭا كەزەڭ باستالدى. ءبىزدىڭ ويىمىزشا، جاڭا قازاقستاندى قۇرۋدىڭ جەتىستىگى ءارقايسىمىزدىڭ قولىمىزدا بولماق. جەكە ءوزىم ءۇشىن ءارى ءبىزدىڭ بۇكىل كومپانيامىز ءۇشىن ەلدەگى مۇمكىندىكتەردىڭ تەڭ بولۋىنا ۇلەس قوسۋ اسا ماڭىزدى. وڭىرگە كورسەتەتىن قايىرىمدىلىق كومەگىمىز بۇكىل كاسىپكەرلىك قوعامداستىققا وزىندىك بەلگى بولماق، سول ارقىلى ءبىز مەملەكەتپەن بىرگە كەيىنگە قالدىرۋعا بولمايتىن بارلىق پروبلەمالاردى جىلدام شەشە الامىز دەپ ۇمىتتەنەمىن، سەبەبى سۋ - ادامنىڭ نەگىزگى قاجەتتىلىگى. ءبىز ءۇشىن، ازاماتتار ءۇشىن قازاقستانىمىزدى بۇدان دا ءادىل ەتۋگە كومەكتەسەتىن ءارى ەرتەڭ ءبىزدىڭ بولاشاعىمىز ءسال جارقىن بولادى دەگەن ءۇمىت بەرەتىن جوباعا قاتىسىپ جاتقانىمىز – ماقتانىش».
بۇگىنگى تاڭدا تۇششى سۋدىڭ جەتىسپەۋشىلىگى ماڭعىستاۋ وبلىسىنىڭ باستى پروبلەمالارىنىڭ ءبىرى بولىپ تابىلادى. وڭىردە ونىڭ تابيعي كوزدەرى جوق، اۋىز سۋدى تەڭىز سۋىنان الادى.
الايدا، بۇل شارا دا حالىقتى سۋمەن ۇزدىكسىز قامتاماسىز ەتۋگە مۇمكىندىك بەرمەيدى. ءوڭىردىڭ دامۋ دەڭگەيىن ەسكەرە وتىرىپ، 2025 جىلعا قاراي تۇششى سۋعا دەگەن قاجەتتىلىك شاماسى تاۋلىگىنە 250-260 مىڭ م³، ال تاپشىلىق تاۋلىگىنە 100-110 مىڭ م³ قۇرايدى.
نۇرلان نوعايەۆ، ماڭعىستاۋ وبلىسىنىڭ اكىمى:
«ءبىز كاسىپكەرلەردىڭ الەۋمەتتىك جاۋاپكەرشىلىككە كوپ كوڭىل ءبولىپ، ءوڭىردىڭ دامۋىنا ءوز قاراجاتىن سالىپ جاتقاندارىنا قۋانىشتىمىز. بۇل جولدا ءبىز جالپى ۇزىندىعى 18 شاقىرىم بولاتىن سۋ قۇبىرىنىڭ قۇرىلىسىن قولداعان تيمۋر تۋرلوۆقا العىسىمىزدى بىلدىرەمىز. بۇل سۋ قۇبىرى اقتاۋ قالاسى مەن اقشۇقىر كەنتى اراسىندا ورنالاسادى، وندا قازىرگى ۋاقىتتا جەكە ينۆەستوردىڭ ەسەبىنەن سۋ تۇششىتۋ زاۋىتىنىڭ قۇرىلىسى ءجۇرىپ جاتىر. وزدەرىڭىز بىلەتىندەي، ماڭعىستاۋ وڭىرىندە اسىرەسە مامىر مەن قىركۇيەك ايلارىنىڭ ارالىعىندا اۋىز سۋ تاپشىلىعى بايقالادى. اتالعان جوبانى ىسكە اسىرۋ قورىتىندىسى بويىنشا اقشۇقىر، ساين شاپاعاتوۆ ەلدى مەكەندەرى مەن اقتاۋ قالاسىنىڭ ءبىر بولىگى سۋمەن تولىق قامتاماسىز ەتىلەدى دەپ سەنەمىز».
2015 جىلى بۇۇ باس اسسامبلەياسى ورنىقتى دامۋدىڭ 17 ماقساتىن ازىرلەدى، ونىڭ ىشىندە «بارلىعىنا سۋ رەسۋرستارى مەن سانيتاريانىڭ بارىن جانە ءتيىمدى پايدالانىلۋىن قامتاماسىز ەتۋ».
قازاقستاندا ودم-نى ىسكە اسىرۋ جانە وعان قول جەتكىزۋ پروسەسىنىڭ مونيتورينگى بۇۇ وكىلدەرىنىڭ تاراپىنان دا، سونداي-اق قازاقستان رەسپۋبليكاسى ۇكىمەتىنىڭ تاراپىنان دا تۇراقتى جۇزەگە اسىرىلادى.
ماڭعىستاۋ وبلىسىندا سۋ تۇششىتۋ زاۋىتىنان 4-سقوت-قا دەيىن سورعى ستانسياسى مەن سۋمەن جابدىقتاۋ جەلىلەرىنىڭ قۇرىلىسىن قارجىلاندىرۋ بۇل - ورنىقتى دامۋ ماقساتتارىنا جاۋاپ بەرەتىن ESG-كۇن ءتارتىبى شەڭبەرىندە ىسكە اسىرىلاتىن باستامالاردىڭ ءبىرى. سونداي-اق، اعىمداعى جىلعى قازان ايىندا Freedom Holding Corp. كومپانياسىنىڭ ەنشىلەس كومپانياسى Freedom Finance Global PLCء-دىڭ ۇلتتىق ESG كلۋبىنا قوسىلعانىن اتاپ وتەمىز.
