Freedom Holding Corp. 2026 jyldyń 30 maýsymynda aiaqtalǵan kompaniia úshin 2027 fiskaldyq jylynyń I-toqsanyndaǵy qarjylyq nátijelerin jariialaidy, dep habarlaidy dalanews.kz.
Qarjylyq kórsetkishter
Kompaniia ótken jyldyń sáikes kezeńindegi $524 mln-men salystyrǵanda, 2027 qarjylyq jylynyń I-toqsanynda $732,9 mln kóleminde jiyntyq túsimdi kórsetti. Túsimniń ósýin birden birneshe baǵyt qamtamasyz etti: paiyzdyq jáne komissiialyq kiristerdiń artýy, saýdalyq baǵaly qaǵazdarmen júrgizilgen operatsiialardan alynǵan taza qarjylyq nátijeniń oń dinamikasy. Esepti kezeńniń qorytyndysy boiynsha salyq salýǵa deiingi paida $40,8 mln qurady, taza paida $31,7 mln boldy, al bir jai aktsiiaǵa shaqqandaǵy paida $0,52 qurady**.
2026 jylǵy 30 maýsymdaǵy jaǵdai boiynsha aqshalai qarajat pen olardyń balamalarynyń, shekteý qoiylǵan qarajattyń jáne investitsiialyq baǵaly qaǵazdardyń kólemi $7 mlrd, jiyntyq aktivter $14 mlrd, al aktsionerlerdiń menshikti kapitaly $1,5 mlrd qurady.
Klientter bazasy
Freedom Holding Corp. quramyna kiretin kompaniialardyń klientter bazasy 8,7 mln-ǵa deiin ósti. 2026 jylǵy 31 naýryzdaǵy kórsetkishtermen salystyrǵandaǵy nátijeler kelesidei boldy: brokerlik shottar boiynsha - 874 myń (+16 myń), Freedom SuperApp banktik mobildi qosymshasynyń paidalanýshylary - 5,7 mln (+493 myń), qarjylyq emes kompaniialardyń klientteri - 1 498 myń (+393 myń).
2026 jylǵy 30 maýsymdaǵy jaǵdai boiynsha Freedom ekojúiesi klientteriniń jalpy sany, seriktes kompaniialardyń paidalanýshylaryn qosa alǵanda, bir jyl burynǵy 11,7 mln-men salystyrǵanda 13,8 mln-nan asty.
Nátijelerdiń negizgi faktorlary
Holdingtiń paiyzdyq kirisi marjinaldyq qaryzdar, klientterge berilgen kreditter, sondai-aq óteýge deiin ustalatyn baǵaly qaǵazdar, saýdalyq jáne satýǵa qoljetimdi baǵaly qaǵazdar, keri REPO operatsiialary men bankterde ornalastyrylǵan qarajat boiynsha kiristerdiń ósýi arqasynda $198,6 mln-nan $295,1 mln-ǵa deiin ulǵaidy.
Komissiialyq kiris klientter bazasynyń jáne saýda belsendiliginiń artýy saldarynan brokerlik qyzmetterden túsetin kiristiń ósýi esebinen $107,6 mln-nan $156,7 mln-ǵa deiin ósti.
Saýdalyq baǵaly qaǵazdar boiynsha taza paida $79,8 mln-ǵa deiin ósti (bir jyl buryn $45,6 mln bolǵan) — bul eń aldymen Qazaqstannyń egemendi baǵaly qaǵazdaryn, korporativtik boryshtyq baǵaly qaǵazdaryn satý jáne esepti kezeńniń sońynda Toptyń portfelinde qalǵan baǵaly qaǵazdardyń ádil qunynyń ósýi esebinen boldy.
Valiýtalyq operatsiialar boiynsha nátije jaqsardy - $12,9 mln shyǵynnan $13,7 mln paidaǵa aýysty. Bul, negizinen, teńgeniń eýroǵa shaqqandaǵy baǵamynyń bir jyl burynǵy aitarlyqtai álsireýimen salystyrǵanda turaqty bolýy aiasynda valiýtany qaita baǵalaýdan bolatyn shyǵyndardyń aitarlyqtai azaiýy arqasynda múmkin boldy.
Kompaniia shyǵystary bir jyl burynǵy $476,5 mln-men salystyrǵanda shamamen $691,3 mln qurady. Ósimniń negizgi faktorlary - saqtandyrý shyǵyndary men polis ustaýshylarǵa jasalatyn tólemderdiń (qaita saqtandyrýdy shegergende), paiyzdyq shyǵystardyń, eńbekaqy tóleý men bonýstarǵa jumsalatyn shyǵyndardyń, jalpy jáne ákimshilik shyǵystardyń ulǵaiýy boldy. Bul rette shyǵystardyń ósýi komissiialyq shyǵystardyń tómendeýimen ishinara óteldi.
Freedom Holding Corp. «Freedom Shapaǵat» korporativtik qory arqyly Qazaqstandaǵy áleýmettik bastamalar men turaqty damý jobalaryn iske asyrýǵa júieli túrde investitsiia salyp keledi. 2026 kúntizbelik jyldyń birinshi jartyjyldyǵynda osy maqsattarǵa shamamen $25 mln baǵyttaldy.
Kezeńniń aitýly jetistikteri
2026 jylǵy maýsymda kompaniia ekojúieniń qarjylyq jáne tsifrlyq servisterin biriktire otyryp, biryńǵai Freedom brendine kóshetinin jariialady. Rebrending holdingtiń biryńǵai platformany damytý, brendtiń tanymaldylyǵyn arttyrý jáne qatysýshy barlyq naryqtarda kedergisiz klienttik tájiribe jasaý jónindegi strategiiasyn kórsetedi.
Taǵy bir mańyzdy oqiǵa - S&P Global Ratings agenttiginiń Freedom Holding Corp.-tyń negizgi qarjylyq bólimsheleriniń kredittik reitingterin «turaqty» boljamymen «B+» deńgeiinen «BB-» deńgeiine deiin, sondai-aq enshiles kompaniialardyń Qazaqstannyń ulttyq shkalasy boiynsha reitingterin «kzA-» deńgeiine deiin kóterýi boldy. Freedom Holding Corp.-tyń óziniń reitingi «turaqty» boljamymen «B-» deńgeiinde qaldy. Agenttik toptyń táýekelderdi basqarý júiesiniń nyǵaiýyn jáne turaqty qarjylyq kórsetkishterin reitingti kóterýdiń negizgi faktorlary retinde atap ótti.
Túrkiiadaǵy holdingti damytý strategiiasyn iske asyrýdaǵy mańyzdy oqiǵa Turkish Bank A.Ş. satyp alý jónindegi mámileniń aiaqtalýy boldy: Freedom Finansal Hizmetler A.Ş. Túrkiiadaǵy qajetti retteýshilik maquldaýlardy alǵannan keiin banktiń aktsionerlik kapitalynyń 99,32% mólsherindegi baqylaý paketine ie boldy. Aktsionerlerdiń jalpy jinalysy Direktorlar keńesiniń jańa quramyn bekitti jáne banktiń ataýyn Freedom Bank A.Ş. dep ózgertý týraly sheshim qabyldady.
Sondai-aq, 2026 jylǵy 10 shildede Freedom AQSh-tyń 1933 jylǵy «Baǵaly qaǵazdar týraly» zańynyń Regulation S erejesine sáikes, AQSh rezidenti emester úshin qoldanylatyn rásim boiynsha jalpy somasy $300 mln 2 374 356 jai aktsiiany ornalastyrýdy aiaqtady.
Osy press-reliz shyqqan sátte kompaniia bilim berý tehnologiialary salasyndaǵy Qazaqstan men Ortalyq Aziianyń iri oiynshysy - jetekshi tehnologiialyq kompaniialardyń biri «Bilim Group LTD» JShS-niń úlesin satyp alý mámilesin aiaqtady. Mámile QR Básekelestikti qorǵaý jáne damytý agenttiginiń maquldaýyn aldy, bul jasandy intellektti qoldana otyryp, birlesken bilim berý jobalaryn odan ári damytýǵa múmkindikter ashady.
