Freedom Holding Corp. 2026 جىلدىڭ 30 ماۋسىمىندا اياقتالعان كومپانييا ٷشٸن 2027 فيسكالدىق جىلىنىڭ I-توقسانىنداعى قارجىلىق نەتيجەلەرٸن جارييالايدى, دەپ حابارلايدى dalanews.kz.
قارجىلىق كٶرسەتكٸشتەر
كومپانييا ٶتكەن جىلدىڭ سەيكەس كەزەڭٸندەگٸ $524 ملن-مەن سالىستىرعاندا, 2027 قارجىلىق جىلىنىڭ I-توقسانىندا $732,9 ملن كٶلەمٸندە جيىنتىق تٷسٸمدٸ كٶرسەتتٸ. تٷسٸمنٸڭ ٶسۋٸن بٸردەن بٸرنەشە باعىت قامتاماسىز ەتتٸ: پايىزدىق جەنە كوميسسييالىق كٸرٸستەردٸڭ ارتۋى, ساۋدالىق باعالى قاعازدارمەن جٷرگٸزٸلگەن وپەراتسييالاردان الىنعان تازا قارجىلىق نەتيجەنٸڭ وڭ ديناميكاسى. ەسەپتٸ كەزەڭنٸڭ قورىتىندىسى بويىنشا سالىق سالۋعا دەيٸنگٸ پايدا $40,8 ملن قۇرادى, تازا پايدا $31,7 ملن بولدى, ال بٸر جاي اكتسيياعا شاققانداعى پايدا $0,52 قۇرادى**.
2026 جىلعى 30 ماۋسىمداعى جاعداي بويىنشا اقشالاي قاراجات پەن ولاردىڭ بالامالارىنىڭ, شەكتەۋ قويىلعان قاراجاتتىڭ جەنە ينۆەستيتسييالىق باعالى قاعازداردىڭ كٶلەمٸ $7 ملرد, جيىنتىق اكتيۆتەر $14 ملرد, ال اكتسيونەرلەردٸڭ مەنشٸكتٸ كاپيتالى $1,5 ملرد قۇرادى.
كليەنتتەر بازاسى
Freedom Holding Corp. قۇرامىنا كٸرەتٸن كومپانييالاردىڭ كليەنتتەر بازاسى 8,7 ملن-عا دەيٸن ٶستٸ. 2026 جىلعى 31 ناۋرىزداعى كٶرسەتكٸشتەرمەن سالىستىرعانداعى نەتيجەلەر كەلەسٸدەي بولدى: بروكەرلٸك شوتتار بويىنشا - 874 مىڭ (+16 مىڭ), Freedom SuperApp بانكتٸك موبيلدٸ قوسىمشاسىنىڭ پايدالانۋشىلارى - 5,7 ملن (+493 مىڭ), قارجىلىق ەمەس كومپانييالاردىڭ كليەنتتەرٸ - 1 498 مىڭ (+393 مىڭ).
2026 جىلعى 30 ماۋسىمداعى جاعداي بويىنشا Freedom ەكوجٷيەسٸ كليەنتتەرٸنٸڭ جالپى سانى, سەرٸكتەس كومپانييالاردىڭ پايدالانۋشىلارىن قوسا العاندا, بٸر جىل بۇرىنعى 11,7 ملن-مەن سالىستىرعاندا 13,8 ملن-نان استى.
نەتيجەلەردٸڭ نەگٸزگٸ فاكتورلارى
حولدينگتٸڭ پايىزدىق كٸرٸسٸ مارجينالدىق قارىزدار, كليەنتتەرگە بەرٸلگەن كرەديتتەر, سونداي-اق ٶتەۋگە دەيٸن ۇستالاتىن باعالى قاعازدار, ساۋدالىق جەنە ساتۋعا قولجەتٸمدٸ باعالى قاعازدار, كەرٸ رەپو وپەراتسييالارى مەن بانكتەردە ورنالاستىرىلعان قاراجات بويىنشا كٸرٸستەردٸڭ ٶسۋٸ ارقاسىندا $198,6 ملن-نان $295,1 ملن-عا دەيٸن ۇلعايدى.
كوميسسييالىق كٸرٸس كليەنتتەر بازاسىنىڭ جەنە ساۋدا بەلسەندٸلٸگٸنٸڭ ارتۋى سالدارىنان بروكەرلٸك قىزمەتتەردەن تٷسەتٸن كٸرٸستٸڭ ٶسۋٸ ەسەبٸنەن $107,6 ملن-نان $156,7 ملن-عا دەيٸن ٶستٸ.
ساۋدالىق باعالى قاعازدار بويىنشا تازا پايدا $79,8 ملن-عا دەيٸن ٶستٸ (بٸر جىل بۇرىن $45,6 ملن بولعان) — بۇل ەڭ الدىمەن قازاقستاننىڭ ەگەمەندٸ باعالى قاعازدارىن, كورپوراتيۆتٸك بورىشتىق باعالى قاعازدارىن ساتۋ جەنە ەسەپتٸ كەزەڭنٸڭ سوڭىندا توپتىڭ پورتفەلٸندە قالعان باعالى قاعازداردىڭ ەدٸل قۇنىنىڭ ٶسۋٸ ەسەبٸنەن بولدى.
ۆاليۋتالىق وپەراتسييالار بويىنشا نەتيجە جاقساردى - $12,9 ملن شىعىننان $13,7 ملن پايداعا اۋىستى. بۇل, نەگٸزٸنەن, تەڭگەنٸڭ ەۋروعا شاققانداعى باعامىنىڭ بٸر جىل بۇرىنعى ايتارلىقتاي ەلسٸرەۋٸمەن سالىستىرعاندا تۇراقتى بولۋى اياسىندا ۆاليۋتانى قايتا باعالاۋدان بولاتىن شىعىنداردىڭ ايتارلىقتاي ازايۋى ارقاسىندا مٷمكٸن بولدى.
كومپانييا شىعىستارى بٸر جىل بۇرىنعى $476,5 ملن-مەن سالىستىرعاندا شامامەن $691,3 ملن قۇرادى. ٶسٸمنٸڭ نەگٸزگٸ فاكتورلارى - ساقتاندىرۋ شىعىندارى مەن پوليس ۇستاۋشىلارعا جاسالاتىن تٶلەمدەردٸڭ (قايتا ساقتاندىرۋدى شەگەرگەندە), پايىزدىق شىعىستاردىڭ, ەڭبەكاقى تٶلەۋ مەن بونۋستارعا جۇمسالاتىن شىعىنداردىڭ, جالپى جەنە ەكٸمشٸلٸك شىعىستاردىڭ ۇلعايۋى بولدى. بۇل رەتتە شىعىستاردىڭ ٶسۋٸ كوميسسييالىق شىعىستاردىڭ تٶمەندەۋٸمەن ٸشٸنارا ٶتەلدٸ.
Freedom Holding Corp. «Freedom شاپاعات» كورپوراتيۆتٸك قورى ارقىلى قازاقستانداعى ەلەۋمەتتٸك باستامالار مەن تۇراقتى دامۋ جوبالارىن ٸسكە اسىرۋعا جٷيەلٸ تٷردە ينۆەستيتسييا سالىپ كەلەدٸ. 2026 كٷنتٸزبەلٸك جىلدىڭ بٸرٸنشٸ جارتىجىلدىعىندا وسى ماقساتتارعا شامامەن $25 ملن باعىتتالدى.
كەزەڭنٸڭ ايتۋلى جەتٸستٸكتەرٸ
2026 جىلعى ماۋسىمدا كومپانييا ەكوجٷيەنٸڭ قارجىلىق جەنە تسيفرلىق سەرۆيستەرٸن بٸرٸكتٸرە وتىرىپ, بٸرىڭعاي Freedom برەندٸنە كٶشەتٸنٸن جارييالادى. رەبرەندينگ حولدينگتٸڭ بٸرىڭعاي پلاتفورمانى دامىتۋ, برەندتٸڭ تانىمالدىلىعىن ارتتىرۋ جەنە قاتىسۋشى بارلىق نارىقتاردا كەدەرگٸسٸز كليەنتتٸك تەجٸريبە جاساۋ جٶنٸندەگٸ ستراتەگيياسىن كٶرسەتەدٸ.
تاعى بٸر ماڭىزدى وقيعا - S&P Global Ratings اگەنتتٸگٸنٸڭ Freedom Holding Corp.-تىڭ نەگٸزگٸ قارجىلىق بٶلٸمشەلەرٸنٸڭ كرەديتتٸك رەيتينگتەرٸن «تۇراقتى» بولجامىمەن «B+» دەڭگەيٸنەن «BB-» دەڭگەيٸنە دەيٸن, سونداي-اق ەنشٸلەس كومپانييالاردىڭ قازاقستاننىڭ ۇلتتىق شكالاسى بويىنشا رەيتينگتەرٸن «kzA-» دەڭگەيٸنە دەيٸن كٶتەرۋٸ بولدى. Freedom Holding Corp.-تىڭ ٶزٸنٸڭ رەيتينگٸ «تۇراقتى» بولجامىمەن «B-» دەڭگەيٸندە قالدى. اگەنتتٸك توپتىڭ تەۋەكەلدەردٸ باسقارۋ جٷيەسٸنٸڭ نىعايۋىن جەنە تۇراقتى قارجىلىق كٶرسەتكٸشتەرٸن رەيتينگتٸ كٶتەرۋدٸڭ نەگٸزگٸ فاكتورلارى رەتٸندە اتاپ ٶتتٸ.
تٷركيياداعى حولدينگتٸ دامىتۋ ستراتەگيياسىن ٸسكە اسىرۋداعى ماڭىزدى وقيعا Turkish Bank A.Ş. ساتىپ الۋ جٶنٸندەگٸ مەمٸلەنٸڭ اياقتالۋى بولدى: Freedom Finansal Hizmetler A.Ş. تٷركيياداعى قاجەتتٸ رەتتەۋشٸلٸك ماقۇلداۋلاردى العاننان كەيٸن بانكتٸڭ اكتسيونەرلٸك كاپيتالىنىڭ 99,32% مٶلشەرٸندەگٸ باقىلاۋ پاكەتٸنە يە بولدى. اكتسيونەرلەردٸڭ جالپى جينالىسى ديرەكتورلار كەڭەسٸنٸڭ جاڭا قۇرامىن بەكٸتتٸ جەنە بانكتٸڭ اتاۋىن Freedom Bank A.Ş. دەپ ٶزگەرتۋ تۋرالى شەشٸم قابىلدادى.
سونداي-اق, 2026 جىلعى 10 شٸلدەدە Freedom اقش-تىڭ 1933 جىلعى «باعالى قاعازدار تۋرالى» زاڭىنىڭ Regulation S ەرەجەسٸنە سەيكەس, اقش رەزيدەنتٸ ەمەستەر ٷشٸن قولدانىلاتىن رەسٸم بويىنشا جالپى سوماسى $300 ملن 2 374 356 جاي اكتسييانى ورنالاستىرۋدى اياقتادى.
وسى پرەسس-رەليز شىققان سەتتە كومپانييا بٸلٸم بەرۋ تەحنولوگييالارى سالاسىنداعى قازاقستان مەن ورتالىق ازييانىڭ ٸرٸ ويىنشىسى - جەتەكشٸ تەحنولوگييالىق كومپانييالاردىڭ بٸرٸ «Bilim Group LTD» جشس-نٸڭ ٷلەسٸن ساتىپ الۋ مەمٸلەسٸن اياقتادى. مەمٸلە قر بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ ماقۇلداۋىن الدى, بۇل جاساندى ينتەللەكتتٸ قولدانا وتىرىپ, بٸرلەسكەن بٸلٸم بەرۋ جوبالارىن ودان ەرٸ دامىتۋعا مٷمكٸندٸكتەر اشادى.
