Qasym-Jomart Toqaevtyń Frantsiia Respýblikasyna memlekettik sapary saltanatty qarsy alý rásiminen bastaldy, dep habarlaidy Dalanews.kz.
Memleket basshysyn áskeri orkestrdiń súiemeldeýimen Prezident Emmaniýel Makron qarsy aldy. Qazaqstan men Frantsiianyń memlekettik ánurandary shyrqaldy.
Prezidentter respýblikalyq gvardiia, áýe-ǵarysh, qurlyq jáne teńiz áskerlerinen jasaqtalǵan Qurmet qaraýylynyń aldynan júrip ótti. Budan keiin memleketter basshylary Qurmet qaraýylynyń saltanatty sherýin tamashalady.
Qasym-Jomart Toqaev pen Emmaniýel Makron bir-birine resmi delegatsiia múshelerin jáne qurmetti qonaqtardy tanystyrdy.
