Frantsiianyń Lazýr jaǵalaýyndaǵy Qairat Satybaldy men onyń jubaiyna tiesili bolǵan tórt páter sheteldik jyljymaityn múlik agenttikteri arqyly satylymǵa qoiyldy. Olardyń jalpy quny shamamen 8,7 mln eýroǵa baǵalanyp otyr, dep habarlaidy Dalanews.kz.
FBRK telegram arnasy usynǵan málimetke sáikes, páterler Antib múiisindegi Parc du Cap turǵyn úi kesheninde ornalasqan. Ár páterde úsh jatyn bólme, qonaq bólme, asúi men balkon bar, barlyǵy tolyq jihazdalǵan. Terezelerinen teńiz kórinisin tamashalaýǵa bolady. Keshen aýmaǵynda kúzet, jerasty avtoturaǵy, sportzal, spa-aimaq, bassein jáne saýna qarastyrylǵan.
Buǵan deiin bul nysandar Satybaldynyń jubaiyna tiesili bolǵany aitylǵan. Aktivter tárkilengennen keiin olardy memleket qaitarylǵan múlikti basqarý kompaniiasy baqylaýyna alǵan bolýy múmkin.
Sonymen qatar Qazaqstanda da Satybaldyǵa qatysty tárkilengen aktivter satylymǵa shyǵarylyp jatyr. Aldaǵy ýaqytta Almatydaǵy "Kaisar Plaz" saýda-ofis ortalyǵyn, sondai-aq DoubleTree by Hilton qonaqúii men "Baisat" bazaryn satý josparlanǵan.
Eske salaiyq, Qairat Satybaldy 2022 jyly sot sheshimimen alty jylǵa sottalǵan edi. Keiin jaza merzimi bostandyǵyn shekteýmen almastyrylǵan. Memleketke qaitarylǵan aktivterdiń jalpy quny 732,8 mlrd teńgege baǵalandy.
