Qazaqstan men Frantsiia Ile-Balqash basseinin zertteidi, - dep habarlaidy Dalanews.kz.
Sý resýrstary jáne irrigatsiia ministri Nurjan Nurjigitov Frantsiianyń Qazaqstandaǵy tótenshe jáne ókiletti elshisi Silvan Giogemen kezdesip, ekijaqty yntymaqtastyq baǵyttaryn talqylady. Ministrlik Frantsiianyń damý agenttigimen (AFD) jáne Frantsiianyń geologiialyq jáne taý-ken zertteýler biýrosymen (BRGM) yntymaqtastyq týraly memorandýmǵa jáne úshjaqty kelisimge qol qoiýǵa daiyndalyp jatyr.
Vedomstvo bul uiymdarmen birlesip, Ile-Balqash basseinine keshendi zertteý júrgizedi. Sondai-aq, jerasty sýlaryn zertteý, monitoring, barlaý jáne igerý baǵytynda da yntymaqtastyq jolǵa qoiylady.
Budan bólek, Sý resýrstary jáne irrigatsiia ministrligi Halyqaralyq sý biýrosymen (OiEau) yntymaqtastyq múmkindikterin qarastyryp jatyr. Silvan Gioge óz kezeginde frantsýz kompaniialary Qazaqstanda sý sharýashylyǵy qurylystaryn salý jáne rekonstrýktsiialaý boiynsha jobalarǵa qatysýǵa nietti ekenin aitty.
Sondai-aq, sý shyǵynyn anyqtaityn jáne sýdy basqarýdy ońtailandyratyn kompaniialar da seriktestik ornatýǵa qyzyǵýshylyq tanytyp otyr.
«Memorandým men kelisimge qol qoiý bizdiń yntymaqtastyǵymyz úshin mańyzdy qadam bolmaq. Biz frantsýz áriptesterimizben uzaq merzimdi jáne nátijeli jumys isteýge niettimiz»,- dedi Sý resýrstary jáne irrigatsiia ministri Nurjan Nurjigitov.
