Frantsiianyń túrli kompaniialary qazaq-frantsýz diplomatiialyq serpilisin paidalanýǵa nietti. Qazir eki el basshylary – Qasym-Jomart Toqaev pen Emmanýel Makron arasynda ózara senim men túsinistik aýrasy ornap, ol investitsiia jáne bizneske óz jemisin berýde, dep jazady Dalanews.kz.
"Qazaqstannyń elimizdegi barlyq salalarǵa investitsiia quiýǵa shaqyrǵanyn, onyń ishinde perspektivasy mol geologiialyq barlaý, metal óńdeý salalary bar ekenin frantsýzdyń isker qaýymdastyǵy qyzý talqylap jatyr", - deidi, DALA INSIDE derekkózi.
Aralarynda kóp rette bos turǵan Qazaqstannyń investitsiialyq naryǵyna tez jeteiik degen kompaniialar da paida boldy. Mysaly, frantsýzdyń Imerys kompaniiasy sirek mineraldarǵa qatysty strategiialyq josparlaryn júzege asyrý úshin Astanadan qoldaý izdeýde. Olardyń basshylyǵy byltyr Qazaqstan Prezidendiniń Parijge memlekettik sapary aiasyndaǵy iskerlik kezdesýlerge qatysqan eken.
Al 5 qarashada Imerys kompaniiasynyń bas direktory Alessandro Datstsa frantsýz-kazaq investitsiialary jónindegi dóńgelek ústelde Alstom, Vicat, Airbus Group, Orano, Air Liquide, TotalEnergies jáne EDF kompaniialarymen bir qatarda otyrǵan. Ol kezde Qazaqstan delegatsiiasyn Saýda jáne ónerkásip ministri Qanat Sharlapaev pen Energetika ministri Almasadam Sátqaliev bastap alyp kelgen.
Bir sózben aitqanda Imerys Qazaqstanǵa investor retinde kelip, bizdegi sirek metaldardy óndirý, qaita óńdeý jáne barlaý jumystaryn júrgizgisi keledi. Onyń qadamyn basqa frantsýz oiynshylary da baqylap otyr.
Biraq elimizdiń sirek metaldar boiynsha naryǵy AQSh alpaýyttarynyń da nazarynda ekenin umytpaýymyz kerek. Eger barlaý boiynsha qandai da bir pozitivti jańalyqtar paida bolsa, qazaq jerine amerika investitsiialary aǵylýǵa daiyn.
Qazaqstan 2025 jyly tikelei investitsiialarǵa asa zárý bolyp otyr. Sebebi, bul máselede biz 2024 jyly aqsańdap qaldyq. Geologiia, barlaý, sirek metaldar syndy baǵyttar arqyly elimizge mol investitsiia tartý múmkindigi bar. Biyl diplomatiiany paidalanyp, investitsiia aǵynyn molaitatyn bolamyz.
