Frantsýz telearnasy Dimash jaily reportaj jasady (video)
Siýjet Frantsiianyń tańǵy teleaýditoriiasynyń 40 paiyzyn qamtityn Telematin baǵdarlamasynda kórsetildi. Baǵdarlama orys tilindegi sýbtitrlerimen YouTube hostinginde paida boldy. Baǵdarlama júrgizýshileri shalǵaidaǵy Qazaqstannan shyqqan jas ánshiniń Qytaidaǵy án baiqaýyna qatysyp, álemde tanymal bolǵany jaily aitady.
– Bir qyzyǵy, ol qytai tilinde sóilemeidi, biraq óte tanymal. Onyń sumdyq tanymaldyǵynyń negizgi sebebi Qytaidaǵy damyǵan áleýmettik jeliler. Televiziia men áleýmettik jeliler ony juldyzǵa ainaldyrdy, – deidi júrgizýshi. "Dimash – qazaq, ol qytai tilinde birde-bir sóz sóilemeidi, biraq onyń Weibo jelisinde 3 millionnan asa tyńdarmany bar. Onyń videosy qytai áleýmettik jelilerinde 1,5 milliard ret qaralǵan", – delinedi siýjette.
Aita keteiik, osyǵan deiin de Dimash Qudaibergen jaily frantsiialyq BAQ-tar maqalalar jariialaǵan bolatyn. Máselen, frantsiialyq Le Monde bedeldi basylymy qazaqstandyq ánshi Dimash Qudaibergen jaily maqala jariialap, onyń tez tanymal bolýynyń sebepterine úńilgen edi. Eske salaiyq, qazirgi ýaqytta Dimash Qudaibergen I Am a Singer shoýynyń finalyna jetti.
https://www.youtube.com/watch?v=wIB3UnmPgxE
Derekkózi: kaz.tengrinews.kz
