سيۋجەت فرانسيانىڭ تاڭعى تەلەاۋديتورياسىنىڭ 40 پايىزىن قامتيتىن Telematin باعدارلاماسىندا كورسەتىلدى. باعدارلاما ورىس تىلىندەگى سۋبتيترلەرىمەن YouTube حوستينگىندە پايدا بولدى. باعدارلاما جۇرگىزۋشىلەرى شالعايداعى قازاقستاننان شىققان جاس ءانشىنىڭ قىتايداعى ءان بايقاۋىنا قاتىسىپ، الەمدە تانىمال بولعانى جايلى ايتادى.
– ءبىر قىزىعى، ول جۇڭگو تىلىندە سويلەمەيدى، ءبىراق وتە تانىمال. ونىڭ سۇمدىق تانىمالدىعىنىڭ نەگىزگى سەبەبى قىتايداعى دامىعان الەۋمەتتىك جەلىلەر. تەليەۆيزيا مەن الەۋمەتتىك جەلىلەر ونى جۇلدىزعا اينالدىردى، – دەيدى جۇرگىزۋشى. "ديماش – قازاق، ول جۇڭگو تىلىندە بىردە-بىر ءسوز سويلەمەيدى، ءبىراق ونىڭ Weibo جەلىسىندە 3 ميلليوننان اسا تىڭدارمانى بار. ونىڭ ۆيدەوسى جۇڭگو الەۋمەتتىك جەلىلەرىندە 1،5 ميلليارد رەت قارالعان"، – دەلىنەدى سيۋجەتتە.
ايتا كەتەيىك، وسىعان دەيىن دە ديماش قۇدايبەرگەن جايلى فرانسيالىق باق-تار ماقالالار جاريالاعان بولاتىن. ماسەلەن، فرانسيالىق Le Monde بەدەلدى باسىلىمى قازاقستاندىق ءانشى ديماش قۇدايبەرگەن جايلى ماقالا جاريالاپ، ونىڭ تەز تانىمال بولۋىنىڭ سەبەپتەرىنە ۇڭىلگەن ەدى. ەسكە سالايىق، قازىرگى ۋاقىتتا ديماش قۇدايبەرگەن I Am a Singer شوۋىنىڭ فينالىنا جەتتى.
https://www.youtube.com/watch؟v=wIB3UnmPgxE
دەرەككوزى: kaz.tengrinews.kz
