Kezdesýde oblys ákiminiń orynbasary qonaqtardy óńirdiń ekonomikalyq áleýetimen tanystyryp, birlesken jobalardy júzege asyrýǵa shaqyrdy.
«Bizdiń oblysta investitsiialyq jobalardy júzege asyrýǵa, shaǵyn jáne orta kásipkerlikti damytýǵa meilinshe jaǵdai jasalǵan. Sondai-aq, 2 mln. turǵyny bar Túrkistan óńiri Qazaqstandaǵy halqy eń tyǵyz ornalasqan oblysqa jatady. Mundaǵy aýyl sharýashylyq salasy aimaqtyq ekonomikanyń draiverine ainalǵan dep aitýǵa bolady. Atap aitsaq, jylyna 1 mln. tonna baqsha ónimderi jinalady. Respýlikadaǵy jylyjailardyń 90 paiyz úlesi bizdiń oblysqa tiesili. Eledegi maqtanyń 100 paiyzy bizde ósiriledi. Odan bólek, týrizm salasyn damytýǵa mol múmkindikter bar. Mine, osy baǵyttar boiynsha ortaq jobalardy iske asyrýǵa shaqyramyz», - dedi E.Tasjúrekov.
Óz kezeginde Aleksis Shahtahtinskii aitylǵan usynystardy qabyl alyp, aldaǵy ýaqytta birqatar investitsiialyq jobalardy júzege asyrý baǵytynda tiisti jumystar atqarylatynyn aitty.
Aita keteiik, Qazaqstan men Frantsiia arasyndaǵy diplomatiialyq qarym - qatynas eń alǵash 1992 jyly ornaǵan. Nátijesinde qos elde eki jaqtyń elshiligi ashylyp, ekonomikalyq bailanys nyǵaia tústi. Ótken jyldyń qorytyndysy boiynsha eki el arasyndaǵy taýar ainalym 3,11 mlrd. AQSh dollaryn quraǵan.
