Jyl saiyn 20 naýryzda búkil álem boiynsha Halyqaralyq Frankofoniia kúninde álemniń 70-ten astam eli men júzdegen qalalarynyń qatysýymen kóptegen is-sharalar ótkiziledi. Frantsýz tili álemde besinshi orynda jáne aǵylshyn tilimen qatar barlyq qurlyqtarda qoldanylady.
Is-sharanyń moderatory Ainur Sábitova boldy. Abai atyndaǵy Qazaq ulttyq pedagogikalyq ýniversitetiniń rektory Takir Balyqbaev pen Frantsiianyń Qazaqstandaǵy elshiliginiń attashesi Jil Mametts onlain rejimde quttyqtaý sóz sóiledi.
Igor Rogov «Frantsýz zań mektebiniń Qazaqstannyń quqyqtyq júiesin qalyptastyrýǵa áseri» taqyrybynda baiandama jasap, frantsýz zań mektebiniń qazaqstandyq quqyqtyq júieniń qalyptasýyna, atap aitqanda, Konstitýtsiiaǵa áseri týraly aitty.
Elbasynyń bastamasy boiynsha Qazaqstanda «Astana» halyqaralyq qarjy ortalyǵy jumys isteidi, onyń qoldanystaǵy zańy Angliia men Ýelstiń zańdarynyń qaǵidalaryna, normalaryna jáne pretsedentterine negizdelgen. Al Frantsiiada tájiribe bar, atap aitqanda Jerzei men Gernezei araldaryndaǵy Normandiia provintsiiasynda aǵylshyn quqyǵy qoldanylady. Qazaqstandyq zańgerler kontinentaldy zańy bar eldiń aǵylshyn quqyǵyn qalai qoldanatyndyǵyna qyzyǵýshylyq tanytty.
Sorbonna-Qazaqstan institýtynyń frantsýz tili muǵalimi H. Fates «Halyqaralyq diplomatiiadaǵy frantsýz tiliniń róli týraly» baiandamasymen sóz aldy.
Beine-konferentsiia qazaqstandyq jáne frantsýz qatysýshylarynyń úlken qyzyǵýshylyǵyn týdyrdy. 100-den astam adam, onyń ishinde Parijden kelgender konferentsiia barysyn baqylady.
Is-sharaǵa qatysýshylardyń kópshiligi óz pikirlerinde konferentsiianyń qashyqtyqtan ótkizilýi Prezident Q.Toqaev jariialaǵan tótenshe jaǵdaidyń jáne Elbasynyń koronavirýstyq pandemiiaǵa bailanysty Qazaqstan halqyna úndeýindegi talaptarǵa sai ekendigin atap ótti.
Abai atyndaǵy QazUPÝ Qoǵammen bailanys jónindegi bólimi
