Frantsiiada X áleýmettik jelisine qatysty is boiynsha Ilon Maskty qamaýǵa alýǵa order berilýi múmkin. Bul týraly Parij prokýrory Lor Bekko málimdedi, dep habarlaidy dalanews.kz.
Frantsiia biligi X platformasyn ekstremizmge járdemdesti, "adamzatqa qarsy qylmystardy joqqa shyǵardy" jáne balalar pornografiiasyn saqtady dep aiyptap otyr.
Prokýrordyń sózinshe, tergeý aiaqtalǵannan keiin jinalǵan materialdar qylmystyq sotqa joldaýǵa jetkilikti dep tanylsa jáne Ilon Mask shaqyrtýǵa kelmese, zań boiynsha ony qamaýǵa alýǵa order berý máselesi qaralady.
Frantsiia prokýratýrasy X áleýmettik jelisine qatysty qylmystyq isti 2025 jyly shildede qozǵaǵan edi. Al biyl aqpanda Frantsiiadaǵy X keńsesinde tintý júrgizilgen. Naýryzda Ilon Mask jaýap alýǵa shaqyrylǵanymen, ol kelmegen.
Sonymen qatar, AQSh Ádilet ministrligi Frantsiiaǵa bul is boiynsha tergeý júrgizýge kómektesýden bas tartqan.
