Frantsiianyń Ulttyq jinalysy uzaq jyldarǵa sozylǵan pikirtalastan keiin aýyr naýqastarǵa ómirden erikti túrde ketýge kómektesýdi kózdeitin zańdy qabyldady. Qujatta mundai kómekke júginý tártibi qatań talaptarmen shektelgen, dep habarlaidy dalanews.kz.
Zań jobasyn frantsýz parlamentiniń tómengi palatasyndaǵy 291 depýtat qoldasa, 241 depýtat qarsy daýys bergen. Buǵan deiin qujatty parlamenttiń joǵarǵy palatasy - Senat úsh ret keri qaitarǵan.
Frantsiia premer-ministri Sebasten Lekorniý zańnyń jekelegen baptaryn Konstitýtsiialyq keńestiń qaraýyna jibermek. Qujat keńestiń maquldaýynan ótkennen keiin ǵana kúshine enedi.
Jańa zańǵa sáikes, aýrýy asqynyp, sońǵy satyǵa jetken, emdelmeitin dertke shaldyqqan kámeletke tolǵan Frantsiia azamattary evtanaziia jasaý týraly ótinish bere alady. Sonymen qatar naýqastyń jaǵdaiy turaqty ári adam tózgisiz fizikalyq nemese psihologiialyq azapqa ákelýi tiis.
Naýqas dárigerlerge ómirin toqtatý týraly sheshimin óz erkimen bildiredi. Mamandar onyń ótinishin jan-jaqty qarap, keńes ótkizgennen keiin 15 kún ishinde sheshim qabyldaýǵa mindetti.
Ótinish maquldanǵan jaǵdaida naýqasqa sheshimin qaita tarazylaý úshin qosymsha eki kún beriledi. Osydan keiin ol ólimge ákeletin dárini ózine ózi engizýi kerek.
Eger naýqastyń fizikalyq jaǵdaiy muny ózdiginen jasaýǵa múmkindik bermese, inektsiiany dáriger nemese medbike salady.
Protsedýra ótetin kúni naýqastyń túpkilikti sheshimin onyń emdeýshi dárigeri rastaýǵa tiis.
