Bolat Ótemuratovtyń ForteBank-i Home Credit Bank-tiń aktsioneri atandy. Bul týraly KASE saitynda aqparat paida boldy. Osylaisha "Home Credit Bank" AQ-nyń 100% aktsiialaryn satyp alý boiynsha úsh aiǵa jýyq júrgizilgen kelissózge núkte qoiyldy, dep habarlaidy Dalanews.kz.
Buǵan deiin "ForteBank" AQ "Home Credit Bank" AQ-tyń kapitalyna aýqymdy qatysýǵa ruqsat alǵany habarlanǵan. Sóitip "ForteBank" AQ jáne "Home Credit Bank" AQ aktsionerleri "Home Credit Bank"AQ-nyń 100% aktsiialaryn satyp alý boiynsha qaǵidatty ýaǵdalastyqqa qol jetkizgen bolatyn.
ForteBank bul rettegi kelissózder "úsh aiǵa jýyq" júrgenin rastady. Bolat Ótemuratovtyń banki Home Credit Bank-tiń 26,8% aktsiiasyn satyp alǵany belgili boldy. KASE jariialaǵan aqparatta bul málimet qamtylmaǵan, tek ol týraly AIX birjasy derek keltirgen. Buǵan Telegram-daǵy Finmentor arnasynyń avtory Arman Bataev nazar aýdarǵan.
Bastapqyda eki bank óz aldyna jeke-dara jumys isteidi dep josparlanǵan, alaida keiinirek ForteBank aktsionerler aldyna Home Credit Bank-ti qosyp alý týraly usynys talqysyn alǵa tartqan.
Aita ketsek, Home Credit Bank 1993 jyly qurylǵan FTD jekemenshik bankiniń (eýropalyq) negizinde quryldy, ol keiinirek 1994 jyly ataýyn "Alma-Ata" Banki dep ózgertti. 2013 jyldyń qańtarynda atalǵan bank "Hoým Kredit end Finans Bank" JShQ-ǵa tiesili boldy, al ol Reseide "Bank Hoým Kredit" AQ EB" retinde tirkelgen. 2021 jyldyń naýryzyna deiin banktiń qojaiyny cheh kásipkeri, milliarder Petr Kellner bolyp keldi. Ol Niderlandyda tirkelgen PPF Group N. V. arqyly "Home Credit and Finance Bank" JShS-ny óz baqylaýyna aldy. 2021 jyldyń naýryzynda PPF tobynyń negizin qalaýshy Aliaskada tikushaq apatynan qaitys boldy. Keiinirek qarjylyq top, iaǵni bank Kellnerdiń áieli Renata Kellnerovanyń murasyna ótti. 2022 jyldyń mamyrynda chehiialyq PPF qarjylyq toby reseilik banktik aktivteri men enshiles kompaniialaryn Ivan Tyryshkin bastaǵan jeke investorlar tobyna satqaly jatqanyn jariialady. Ol Sankt-Peterbýrg birjasynyń negizin qalaýshylardyń biri, ol kóptegen tanymal reseilik finteh-kompaniialardy damytqan. Negizgi sebep - sanktsiialarǵa bailanysty reseilik kompaniialar men olardyń "enshilesterine" berilgen halyqaralyq reitingterdiń kúshiniń joiylýy, sodan keiin kompaniialardyń ótimdiligi tómendedi. Osyndai jaǵdaida bank menedjmenti shalt qimyldap, bank aktsiialarynyń 74,99%-yn toǵyz jeke tulǵaǵa jedel satty, 25,001%-y "Hoým Kredit end qarjy banki" AAQ úlesinde qaldy. 2022 jyldyń jeltoqsanynda PPF Group N. V tobynyń basqarma tóraǵasy banktiń iri aktsioneri atandy. Ol banktiń 25,001% aktsiiasyn satyp aldy. Nátijesinde bank "reseilik júkten" tolyǵymen aryldy. Aktsionerler aýysqannan keiin bank ataýyn "Home Credit Bank" AQ dep ózgertti. 2023 jyly Irji Shmeits óz úlesin 34,7%-ǵa deiin arttyrdy, al banktiń 7,5% aktsiiasy PPF Financial Holdings A.S. mańynda shoǵyrlandy, atap aitqanda PPF Group N.V kompaniiasynyń alty top-menedjeri men Home Credit (Chehiia) toby 57,8% aktsiiaǵa ielik etti. Osy jyldyń tamyz aiynda Irji Shmeits Qazaqstandaǵy banktiń majoritarlyq qojaiynyna ainaldy. Onyń enshisindegi úles 34,7%-dan 90,1%-ǵa deiin artty.
