FlyArystan áýe kompaniiasyna qatysty artyq salmaqtaǵy qol júgi úshin birdei tarif qoldaný deregi boiynsha tergeý júrgizilip jatyr. Bul týraly Almaty qalasy boiynsha Básekelestikti qorǵaý jáne damytý agenttigi departamentiniń basshysy Nurjan Nurlanuly Óńirlik kommýnikatsiialar qyzmetindegi brifingte málimdedi, dep habarlaidy Dalanews.kz.
Onyń aitýynsha, agenttik áýe tasymaldaýshy qol júginiń naqty artyq salmaǵyna qaramastan, birdei tólem alatynyn anyqtaǵan.
Iaǵni 1 keli artyq salmaqpen ushqan jolaýshy da, 5 keli artyq salmaqpen ushqan jolaýshy da birdei aqy tóleidi. Al basqa áýe kompaniialarynyń tájiribesi naqty artyq salmaqqa qarai saralanǵan tarif qoldanýǵa bolatynyn kórsetken.
Departament mundai tájiribe keibir tutynýshylardyń quqyǵyn shekteýi múmkin dep sanaidy. FlyArystan kompaniiasyna básekelestikti qorǵaý zańnamasyn buzý belgileri bar ekeni jóninde habarlama joldanǵan. Alaida ol oryndalmaǵandyqtan, qazir áýe kompaniiasyna qatysty tergeý júrgizilip jatyr. Jaýaptylardyń sózinshe, tergeý nátijesinde tiisti sheshim qabyldanady.
