Jolaýshylar quqyǵyn buzǵany úshin FlyArystan áýe kompaniiasyna jaýapkershilikke tartyldy, dep habarlaidy Dalanews.kz.
Azamattyq aviatsiia komiteti Almaty – Astana baǵyty boiynsha reis keshiktirilgen kezde qyzmetterdi usynbaýǵa bailanysty (jolaýshylar qonaqúige ornalastyrylmaǵan, jolaýshylardy áýejaidan qonaq úige deiin jáne keri qarai transfer uiymdastyrylmaǵan) "FlyArystan" áýekompaniiasyna shara qabyldady. Atap aitqanda qatysty Ákimshilik kodekstiń 567-babynyń 2-bóligi boiynsha ákimshilik quqyq buzýshylyq týraly hattama jasalyp, aviakompaniiaǵa 1 000 AEK (3 692 000 teńge) mólsherinde aiyppul salyndy.
"QR KM Azamattyq aviatsiia komiteti reisterdiń keshigýi kezinde qyzmetterdi tiisinshe usyný bóliginde Qazaqstan Respýblikasynyń qoldanystaǵy zańnamasynyń talaptaryn buzǵany úshin otandyq jáne sheteldik aviakompaniialardy jaýapkershilikke tartý jónindegi jumysty jalǵastyrýda", – delingen komitet habarlamasynda.
Aviakompaniialar tarapynan buzýshylyq faktileri anyqtalǵan jaǵdaida kózdelgen sharalar qoldanylady.
Buǵan deiin, sondai-aq Atyraý-Almaty baǵyty boiynsha reisti keshiktirgen kezde tiisti qyzmet kórsetpegeni úshin osy jyldyń 24 maýsymynda «SCAT» áýe kompaniiasy ákimshilik jaýapkershilikke tartylyp, aiyppul 1 000 AEK (3 692 000 teńge) qurady.
