Fitch Ratings halyqaralyq reiting agenttigi Qazaqstannyń táýelsiz kredittik reitingin "BBB" deńgeiinde rastady, boljam – "Turaqty", dep habarlaidy Dalanews.kz.
"Qazaqstannyń reitingin qoldaityn negizgi faktorlardyń qatarynda – reitingi uqsas elder arasyndaǵy ortasha kórsetkishten edáýir asatyn jáne eldiń qarjylyq ikemdiligin qamtamasyz etetin qýatty syrtqy býferler qalyp otyr.Qazaqstan Respýblikasy Ulttyq qorynyń valiýtalyq aktivteri men resmi altyn-valiýta rezervteri JIÓ-niń 38% balamasyna jetti, buǵan investitsiialardyń 8,4% deńgeiindegi kiristiligi jáne altyn baǵasynyń ósýi yqpal etti", delinedi reiting sipattamasynda.
Sarapshylar munai salasyna táýeldilikti birtindep azaitýǵa yqpal etetin kólik jáne jańartylatyn energiia syndy sektorlardy damytý boiynsha jasalyp jatqan qadamdardy aitty.
Buǵan qosa, reiting agenttigi keń aýqymdy qosarlas sanktsiialar salýdyń salystyrmaly túrde táýekelderi tómen ekenin basa atap ótken.
